MAZMUR 119:10 - ALLAH NIHYET MEM TUNGWATU NYA

¹⁰ Diba dingon gom biyai hamem gi dikuk da biNati. Asindui sut ba, dikriek leu Ade nicukti au.

MAZMUR 119:10 ပူးပေါင်းရင်းမြစ်များ

NIBOHON MBEN ISRAEL GI NICAN 15:15

Limwa nya yahagom igyai nillei noyam. Lewo iba ingon titut yam bicom ighyet tug hon neheng dima tu. Iba ingon di llei bikuk yok bak tuhan bitig dino tuhan cem joi sut yok. tuhan bindei ba, nibong kei nigwam kei kieng kep ide minu di inyeng tak kepti nya hagom.

MAZMUR 119:118

Akou sut gi ikriek leu Ade nimbrap tutti nya. Igyok ingon gom mem niris ei tungwatu nya dip lo, igyaisi dima mikui-kausi he.

MAZMUR 119:133

Abindei ba, dimbut lo, didilleu bi bit leu nok apreu ei mem dati. Ma asindui sut ba, sisar om kep da au.

MAZMUR 119:176

Disrawir dem kep nok domba di pror. Gima rino akwei ba, anggok Ade awak di dani. Lewo diba diyai ngat Ade nicukti nya bi.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

MAZMUR 119:21

Akon ahyet kep yo di ingon jei nya ba, asigion no di kriek leu Ade nicukti nya.

MAZMUR 119:34

Abindei ba, dingon hukti tut Ade nicukti nya leu binhyepo dibit leu api midiba dingon titut yam biyai hagom.

MAZMUR 119:58

Diba dingon titut bahara Na leu binhyepo angon nggriu sut da ba, angondut da bit leu Ade nipreu ei mem dati.

MAZMUR 119:69

Yo di ingon jei nya ingwes om kep da bibor lo, diba dingon titut bibit Ade nikos tutti nya.

MAZMUR 125:5

Noro ma akes hukum ei yo di ingon can nya dip ei mpe di akes hukum ei yo di isibut nya dip. Asindui sut ba, Ade limwa nya ibong kei igwam kei!

MAZMUR 23:3

Noni sindem tut da bibiwin dingonti bibie tut da kak puig di igbit kikau bit leu nipreu ei mem dati tu.

MAZMUR 78:37

Ingon gom tut Noni ba, igikrau kep nipreu di Allah preu ei mem yokti bi.

NIPINGOK NINGONTI 2:13

Yo dima ikou sut igyai munti di kei nya bikak puig nidinditi di mpung tut sisar ba,

NIPINGOK NINGONTI 21:16

No di te-te nyen leu puig di bie ndam ningon kiti muug krau minu nimai nya ide.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YEREMIA 3:10

Tirigi ibon mun dima yok hagom leu su lene timiei Yehuda nya di ingon gom tut Da bi pima iba ingon can bingkwei hanyen ndam Da. Lewo ingon sren hak bi. Da di tuhan disimbot dat tu.”

YEHEZKIEL 34:6

Gima rino Ditde domba nya imbut-mbut wai apino israwir bidem nungug him kin mbigdip di jei bibor nya. Intek gimahap bidem dihyei nisurti-nipekti lewo gembala hi hek tut yok ba, nggok bram yok cem bi.

HOSEA 10:2

Nogindini suar yo di ingon sren bi dima ibiang ide sisar di ibon nya nibuhunti. Allah mibindei timek nimbar hum dok di ide nya binjei cou tig nibiyok ngon kep ide kwar di ikuk yok bak bitti ningwig yon.

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

KOLOSE 3:22

Awak jen! Ma jibit jiceu bat dihyeisi nya ighyet tut mun nyeng hagom. Ma jibibon yok nok gima tirigi igyai bong kep je leu binhyepo jibinggok tut gi ijoi sut je he au. Noro ma jiba jingon di gom bibit ighyet ba, jibikon Tuhan ninyeng.

YOHANES GI NIGOM 2:15

Ma jiba joho rok dihyeisi dini tut mun di joti nya au. No di ba noho rok dihyeisi dini ningon ngakei Allah bi.

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”