MAZMUR 119:1 - ALLAH NIHYET MEM TUNGWATU NYA

¹ Yo di ingon kwes di ibit tuhan nicukti nya ingon nggei-hi-nggei.

MAZMUR 119:1 ပူးပေါင်းရင်းမြစ်များ

SAMUEL GI NICAN 22:22

Dibit tuhan de nicukti nya ba, digikiek doho tai leu ditde Allah bi.

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

AYUB 1:8

tuhan hig ser noni “Angig ayai kep Ditde awak di Ayub tu e? No dima ningon gom ba, ningon kwes dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem.”

MAZMUR 101:2

Midiyok diyai kep diyaijoti leu binhyepo mun di suwok rap bi. Akwei ngat da apig bu i? Midiba dingon di kwes biyai mun ei ditde ig.

MAZMUR 101:6

Dijoi sut yo di ingon gom tut Allah. Disindui sut ba, yo dima ibong ei ditde ig nibou ndig. Disindui sut ba, yo di ingon gom nya igyai midyai mem da.

MAZMUR 112:1

Ma jinggei sut tuhan! No di kuk no bak tuhan bibit Nide nicukti nya ne ninggon nggei-hi-nggei.

MAZMUR 128:1

Doia nikui ug ei Mbigdip Sion. No di ningon gom tut Allah bidimig niyaijoti bibit Allah nicukti ningon nggei-hi-nggei.

NIPINGOK NINGONTI 11:20

tuhan ningon mpo tut no di ningon mbuk. Noro ngondut no di yai mun di igbit.

NIPINGOK NINGONTI 13:6

Yo di ingon kwes kei nya igwam coi ningon di sren keiti. Yo di ibon kep sisar iba ide mun di mbuk nya bindei sar yonti.

NIPINGOK NINGONTI 29:18

Gino timiei minu hi ikou sut tuhan nibie tut yokti lene yahagom igyok nisinsiou ei yamti. Noro yo di ibit tuhan nikos tutti nya ingon nggei-hi-nggei.

YEHEZKIEL 11:20

Leu api yoni iba ingon di gom bibit didimigsi kin dicukti nya hagom. Yoni minok Ditde limwa nya lene dinok ide Allah.

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

KISAH 24:16

Gima rino dita dibou ei dingon mien di kwes kin Allah kin tungwatuti kikau.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.