Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAZMUR 118:27 - ALLAH NIHYET MEM TUNGWATU NYA

27 tuhan ne Allah rin ba, Noni singat tut nye nindig bibor. Ma jiba dui meng di jitot kwei su bikinyon ei njap nindigti ba, jibimbut tut bijibikrop ttai nimbar hum dok.

အခန်းကိုကြည့်ပါ။ ကော်ပီ




MAZMUR 118:27
17 ပူးပေါင်းရင်းမြစ်များ  

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.


Tirigi tungwatu pima yok yahagom ingat mindur dini bou igyai him lene ikuk yok ba, iba ingwak bikik dihyei lene ikon ighyet nok gom bipai “tuhan ne Allah nijit ri! tuhan Nongkom Allah nijit ri!”


Njap di hyep bu ne ibon midut nindig mindhe-ndhe titut kep humti bidimig ei mem tuhan leu api ikwas mikwau dima tut limwa nya yahagom. Ter leu gima lene ibui sapi nikre ningut sribu gom kin domba nikre ningut sribu gom kin domba nehen pap ningut sribu gom ba, indig titut ei nimbar hum dokti. Lene ikwas ba anggur ngei pijum ei mem nibon midut nindig mindhe-ndhe titut kep humti ei nimbar hum dokti dima.


Mben Yahudi cem ingon llei bibor ba, idigit tut nibou ndig de srat nibicukti pima bu bi lewo ingon nggan-triot kei hanyen ba, ingon nggei-hi-nggei cem ingon llei cem.


Ateu yo di yoom kep ingonti bingwes ngun noro acut yo di ingon jei nya.


Noni mindo bindo tut jingon ngunti ei nibreisi lene mimbrap gau je bindo jingon srenti dem kep nok mpia nuhuk pijumti.


Ma abon ninggai hammi nuhuisi bitai ndam nidip ba, nimbar hum dok kin ninggai nya hagom rap yam nok gom. Lene aba ngkimom-tembaga di dile binggai kep titut yam.


Lene noni bon ninggai hammi nuhuisi bitai ndam nidip ba, nimbar hum dok kin ninggai nya hagom rap yam nok gom. Lene noni ba ngkimom-tembaga di dile binggai kep titut yam.


Minu ndig Yerusalem e, ma akiju ba, apiga digai dihyeisi dini lewo No di teu na ba, angwes ngun dima Nide nipigati com kwei ba, Allah nikei-kau-keisi piga digai na tu.


tuhan e, abindei ba, ingon llei bibor bimbos-hi-mbos. Ingon llei sut Ade nisingat tut yokti nya dem kep nok yo di ingon llei sut gandum di ikos kwei leu beisi kin yo di ikwas ndigban di ipos nya tut yam.


Ibon sisar tut tuhan tu. Nogindini suar iba ibou coi mem ningon di sibui sut nyeti. Noro jei bi ne Noni miya hacan mem nye bibuhup bak yo di ibon mun tunggwei sut nye cem. Noni mibuwak nye leu nidinditi ug ei nipigati lene bindei ba, igyaijo bingat nituti tirigi Noni teu nye bingwes ngun.


Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.


Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”


Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.


Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ