MAZMUR 115:16 - ALLAH NIHYET MEM TUNGWATU NYA

¹⁶ tuhan Nongkom nyeng tut mpia-bbed him noro Noni yai dihyeisi dini bak tungwatu nya.

MAZMUR 115:16 ပူးပေါင်းရင်းမြစ်များ

MAZMUR 144:5

tuhan e, akau Ade mpia-bbed him ba, ajuk kwei ba, angget nungug nya leu binhyepo nimmup brou bikui.

MAZMUR 148:4

Mpia-bbed him di jo anai e, ma anggei sut tuhan. Minyei di jo nuhu kwei ei mpia-bbed him e, ma anggei sut tuhan.

MAZMUR 8:6

Apai tes tungwatu nya ba, abindei binyeng jei noro jei dor njiriek Na di Allah bi. Akes nikei-kau-keisi kin ninyeng jeisi bijo ei ibou nggram himti.

MAZMUR 89:11

Adram naga Rahab di bong muk ngeisi bimai bingwig. Abindei siceu nya bitimek bingwig tug hon Ade nisindemti di nindig bibor.

MAZMUR 89:12

Anyeng tak kep mpia-bbed him kin dihyeisi dini lewo apai tes hacem bitut mun di joti nya cem.

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

NIBWOS-BWOS NYENTI 3:66

Ma ahuk yo dima ba, abindei sar yok kikau bibou acok tut yahagom leu dihyei njek dip dini ug e.

YOHANES 14:2

Dicig de ig bon ninsi mang bibor. Da duug ei mpia ttou nsi dima leu binhyepo ditin ei nghim nsi mem je. Gino dipaisi dini igbit bi lene midipai nok bije bi.

NINDAT KEP TUHAN NICUKTI NYA 10:14

tuhan di nok jide Allah nyeng tut mpia-bbed him di jo anai kin dihyeisi dini bitut mun di joti nya hagom.

NINDAT KEP TUHAN NICUKTI NYA 32:8

Tirigi po No Di Ninyeng Jei kwas dihyei hanjop nsi nya leu yam pima lene Noni pek hanjop nsi bibikwop mben nya hagom. Lene Noni sindui sut mben hi gom hi gom ikuk yok bak ide kwar nya.