MAZMUR 115:1 - ALLAH NIHYET MEM TUNGWATU NYA

¹ Suar nyeni ninggei sut Na di tuhan lene ma ninggei sut nyenti bi sren. Lewo Ade ningon ngakei nyeti ug hon nohonti bi sren ba, angon gom cem.

MAZMUR 115:1 ပူးပေါင်းရင်းမြစ်များ

MAZMUR 138:2

Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.

MAZMUR 61:7

Dijoi sut gima nibou ndig de njap jei ba, niyaijo bingat nintun him noni nya bou niyai him.

MAZMUR 74:22

Allah e, akiju ba, akim Ade munhyet! Lewo yo di iba ingon com Nani bi nya ighyet wer mpiahi tut Na mem njap jei.

MAZMUR 96:8

Ma jinggei sut ninyeng di jei bibor. Jicoi kwei ei Nide Ig bijipwoi mun di jikwas tut Noni.

YESAYA 48:11

Dibon gima drek dip Danti lewo disindui sut ba, hi bibon dinyeng bikinei bi. Dikwas Ditde nikei-kau-keisi nindrim hi tut tungwa hi cem bi.”

YEHEZKIEL 20:14

Lo, diyai nok gi ditin ei memti dima bi drek dip Ditde ninyeng jeisi. Leu binhyepo mben di ingat gi dibuwak yok kwei leu minu Mesir ipai dinyeng kinei bi.

YEHEZKIEL 36:22

Gima rino ma atri tut Da di tuhan Di Dinyeng Jei Bibor dihyet di disok ei na dip bak mben Israel di nibimbiti pai ‘Midiyai mun nyeng gom lo, mun dima nok bindo mem je di mben Israel bi noro nok mun di bindo tut dinyeng di kwes-kwau di jibimangkrei bijico kep bidem jingkiaisi hagom tu.

YEHEZKIEL 36:32

Je di mben Israel e, ma jiyok ngon kep bipia jenti rino jibindei di dibon mun dini yok hagom bi. Suar jimmai sut jenti ba, jiba jingon bisrip huk jenti nok nikinei-kinau nya drek dip jiyai munti nya. Da di tuhan Di Dinyeng Jei Bibor disimbot dat tu.’ ”

DANIEL 9:19

tuhan e, ma angig atingou mem nyeni nihyet ba, akos ser nyende sisar cem ba, ayok ngon kep nyeni cem leu api ma ayai abou tut nye haninyai! Ma abinyen au leu binhyepo mijo nibreisi mem tungwatu nya yahagom bipia Nangkom he rino Allah! Lewo anyeng tak kep minu ndig Yerusalem kin Ade limwa di ningat-ngat nya.”

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”