MAZMUR 114:8 - ALLAH NIHYET MEM TUNGWATU NYA

⁸ ei tuhan di bindei po bor ngug nok minyei ut lene nungug tig nok minyei bousi pima Noho bei cem.

MAZMUR 114:8 ပူးပေါင်းရင်းမြစ်များ

NEHEMIA 9:15

Tirigi po inggum ba, njita ngwig leu yok pima lene abindei juk roti kwei leu gwamti mem yok. Tirigi po inggobiau pima ne abindei ba, minyei bousi biam kwei leu bor ngug mem yok. Acuk yok leu binhyepo icoi ug ei minu po aba neheng bipreu sut ei mem yok nipou su pima ba, ibong kei igwam kei eisi.

MAZMUR 105:41

Noni bindei ba, bor ki leu minyei di biam sindem nok minyei pmem ei iggum ndigsi.

MAZMUR 107:35

Noni bindei bu ba, igpong nya tau hak ei iggum ndigsi ba, minyei bousi nya tau hak ei nipingge leusi nya cem.

NEHEI LEUSI 17:6

Mbigom midiya ei bor ngug dip ei aho bei ei Nungug Sinai nikiou ei jikwei leusi. Tirigi juug krau tig dima lene abui tig apino minyei su di kei mem jidut mibiam kwei leu tig ninsi leu binhyepo mben Israel yahagom midut bindei yok.” Lene Musa yai hagom bit leu nok tuhan nicuk noti bou nibou mben Israel igyai him.

MBEN ISRAEL IMBUT-MBUT NYEN 20:11

Lene noni su tom bibui bor ngug mbican apino minyei ba nimig di sindem bibor srek bibiam kwei mem tungwatu nya kin mindhe-ndhe yahagom bidut.

KORINTUS GI NIGOM 10:4

lene idut kep ndia ngei di mindur di Allah pai tes mem yok cem noyam. Idut leu minyei bousi di hei kwei leu tig mindur di abia kep yok ba, tig dima ne Kristus Nonti ri.

NINDAT KEP TUHAN NICUKTI NYA 8:15

Lene Noni buwak je ug ei iggum ndigsi di nindig bibor ba, kinei bibor cem ba, mpia dima nok wou piet kin amai nggre nghousi. Lene Noni bindei dino minyei biam leu bor ngug mem je tirigi jingat rin ei iggum ndigsi po bon ningak-caisi pima.