MAZMUR 112:9 - ALLAH NIHYET MEM TUNGWATU NYA

⁹ Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

MAZMUR 112:9 ပူးပေါင်းရင်းမြစ်များ

MAZMUR 111:3

tuhan de midyai nya hagom mindur bibor ba, ikon ninyeng tut. Ningon srenti ug hon nohonti bi sren.

MAZMUR 112:3

Nide ig bei nsi nya ne yo di inyeng ri. Mun di isuar nya dem mem yok ba, ibong kei igwam kei cem bijo ninno bijo kikau.

MAZMUR 75:10

Noro miditri tut Yakub de Allah kikau bidipai doia nibikon ninyengti bak Noni.

MAZMUR 92:10

tuhan e, nikan tut bipia Ade siceu nya misar bingwig ba, yo di isibut bibor nya mintek gimahap.

MAZMUR 92:11

Abindei ba, ditde nisindemti dem kep sapi banteng nehek nisindemti ba, dibong kei digwam kei tug hon Ade mun di kei di anjei bak dani tu.

NIPINGOK NINGONTI 14:24

Tungwatu nya inggei sut yo di ingon ki tut ide ningon kiti noro ikan bidem tut yo di ingon mbum nya tug hon ide ningon mbumti.

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

NIPINGOK NINGONTI 21:26

bikan-kan nyen tut ningut kanti nya bikwop njap ngwa hagom. Noro bon no di ningon sren kei kwas ndiyok tut tungwatu nya bingondut yok nindig bibor.

NIBA NINGON SRIP HUKTI 11:6

Ma jindim ningan mem njap bigyoti lene ma jikes hon mem mmunti au. Lewo bit bon ikan bidem tut gi hi di nnum kei kin gi hi di ngoi-nga kan bi. Mpaba hacem hei kin gi gohou kei.

NIBA NINGON SRIP HUKTI 3:6

nituti mem inggok mun di cut kin nituti mem ikes hon binggok bu bi cem ba, nituti mem ibet mun ei kin nituti mem icom mun ug cem ba,

YESAYA 32:8

Noro no di singat kei ningon gom lene ba ningon bisrip huk mun di singat kei ba, niyai munti nya cem singat kei.

YESAYA 58:10

jikwas njita tut yo di inggum nya bijimpu yo di yuhui mbum nya leu api midibindei ba, nidinditi di nggai kep je minok mpia huk pijumti di nipigati com kei.

YESAYA 58:7

Ma jikwas njita hi tut yo di inggum nya bijicigit yo di ibong lis kui jide igya. Ma jiyai sinsun bak yo di inyeng tut sinsun hi bi nya bijingkek ndok tut jide bat nya au.

MATIUS 6:4

Apino mun di jibingondut yo dima mijo nding leu tungwatu nya igyai him. Jicig di ngat mun di jo nding hagom bou niyai him mibindei ba, jimuhup tau bije.”

MARKUS 14:7

Yo di yuhui mbum nya ingat rin bit je kikau ba, bon nituti mem gima jingondut yok bit leu jingon kanti noro Dingat rin bit je kikau bi.

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 16:9

Lene Yesus binut nihyet bipai “Jimiap e? Suar jiba mun di pror yon bibrim tungwatu nya ba, ihig isut bit je leu binhyepo tirigi ndigban dihyeisi dini bon ninyeng bu bi lene Allah micigit je kui ig di jo ninno bijo kikau.

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

YOHANES 13:29

Bihi ikan bigya Noni cuk Yudas buug pek mun di isuar mem Njap Ndig Paskah e, he ug kwas mitiei hi tut yo di yuhui mbum nya e? Ikan nok lewo Yudas rino krau mitiei bousi mem yok.

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

KISAH 4:35

bigyai bak yo di igya kui Yesus leu api yoni ikwas mitiei dima tut yo di ihwap mbum nya.

ROMA 12:13

Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

NINDAT KEP TUHAN NICUKTI NYA 15:11

Jisut mben Israel di yuhui mbum ibou poi mingat rin ei jikieti bijo kikau. Gima rino dicuk jeni leu binhyepo jingon mba tut yoni.”

NINDAT KEP TUHAN NICUKTI NYA 15:14

Ma aba angon di mba bikwas mun di ade tuhan Allah yai bina nok kambir kin domba kin gandum kin ba anggur ngei tut noni.

NINDAT KEP TUHAN NICUKTI NYA 24:13

Noro ma jingkwei nide sinsun dima hanyen binoni bikwop mmunti nipou tirigi mpia kimbas bigyo leu binhyepo juk ser nidigokti ei nibongti. Apino noni mipai sigyo hanyen bije leu api tuhan di nok jide Allah mijoi sut je.

TIMOTIUS GI NIGOM 6:18

Ma asok kep yok leu binhyepo isingat cem inyeng tut midyai di kei nya cem ingondut tungwatu nya cem ikwas mun di jo biyoni tut hiter cem.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

NINGAT-HI-NGAT NYA 22:11

Nnaba yo di isibut nya ibon kep mun di kinei kikau. Nnaba yo di irom-rau nya ibon kep mun di mpiei kikau. Noro yo di ibit Allah ningon kanti nya igyai igbit ningon kanti dima kikau ba, yo di ingon kwes kei nya inyohou ingon di kwes kei dima kikau.”

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.