MAZMUR 112:4 - ALLAH NIHYET MEM TUNGWATU NYA

⁴ Nipigati piga ei nidinditi mem no di singat kin ningon sren cig kin ningondut cig kin ningon ngakei cig.

MAZMUR 112:4 ပူးပေါင်းရင်းမြစ်များ

AYUB 11:17

Ade niyaijoti mipiga kei dor njiriek mpia huk pijum nipigati. Nijam di ade niyaijoti wer dindi-kai mipiga dem kep mpia di pri mem njap tekti.

AYUB 22:28

Ningat mang bibor mintun him ade midyai di abrim angkek tut nya kikau ba, nipigati mipiga digai ambutti nya hagom.

AYUB 29:3

Noni mpu kep dani bikwop mmun-njap. Mpe di dimbut mem nidinditi lene nide nipigati piga digai dimbutti nya.

MAZMUR 106:1

Ma jinggei sut tuhana! Ma jipai sigyo bak tuhan lewo Noni singat kei. Nide ningon ngakeisi jo kikau buug hon nohonti bi.

MAZMUR 116:5

tuhan singat tut nye ba, ningon sren ba, nyende Allah ngondut nye nindig bibor cem.

MAZMUR 145:17

tuhan ba ningon di sren kin ningon di nggriu biyai kep Nide midyai nya hagom.

MAZMUR 37:6

Noni mindo bindo tut jingon ngunti ei nibreisi lene mimbrap gau je bindo jingon srenti dem kep nok mpia nuhuk pijumti.

MAZMUR 97:11

Nipigati piga mem yo di ingon sren ba, ningon di llei piga mem yo di ingon kwes.

NIPINGOK NINGONTI 21:21

Gino angon nggriu sut tungwatu nya ba, angon gom tut yok ne ade njap ug ei ari bingwam mang bibor ba, tungwatu nya minggei sut na bingon gom tut na.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YESAYA 58:10

jikwas njita tut yo di inggum nya bijimpu yo di yuhui mbum nya leu api midibindei ba, nidinditi di nggai kep je minok mpia huk pijumti di nipigati com kei.

YESAYA 58:8

Leu api midisingat tut je noyam kin mpia nipriti di wam je apino jei bi lene jibokti nya jut hanyen. Midingat rin bit je biditeu je ba, jingwes ngun. Midiya srak ko hagau je bidiyon ttai je cem.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

LUKAS 6:36

Ma jingondut yam bit leu nok Jicig ngondut tungwatu nya!”

YOHANES 12:46

Dikwei ei dihyeisi dini nok nipigati leu binhyepo no di ba ningon com Da gwam ei nidinditi bi.

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

EFESUS 5:15

Gima rino ma jingon sok kep jenti tut jiyai kepti nya leu binhyepo jiyai bram yo di ingon tindur nya igyai kepti nya au. Noro ma jiyai bram yo di ingon ki nya igyai kepti nya.

EFESUS 5:9

Lewo niyai munti di kei bibor nya kin ningon kwesti kin ningon gomti hagom ntun nipigati him ei Allah niyai him.

YOHANES GI NIGOM 2:29

Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 3:7

Dimunggwom bat jen, ma jisindui sut ba, hi bindei srawir je au. No di yai kikep Allah ningon kanti mem noni ningon sren bit leu nok Kristus cem ningon sren.