MAZMUR 111:9 - ALLAH NIHYET MEM TUNGWATU NYA

⁹ Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 111:9 ပူးပေါင်းရင်းမြစ်များ

SAMUEL GI NICAN 23:5

Tug hon nisinati dima ne Allah minjei mun di kei bak ditde nintun him di bram yamti lewo Noni preu ei mem da tut gima bijo ninno bijo kikau tu. Noni nyohou yai mun nyeng hagom leu api miluei ningonti tut nipreu ei mem dati dima bi. Gino Allah bindei ba, dingon kanti dima mipek kep mem ditde nintun him di bram yamti lene midingon cut hon Nide nipreu ei mem dati.

NIBOHON MBEN ISRAEL GI NIGOM 16:15

tuhan yok ngon kep Nide gi preu di preu ei mem nye. Nipreu eisi dima bon ninyeng bijo ninno bijo kikau.

MAZMUR 111:5

Noni kwas niyemti tut yo di ibit nihyet ba, yok ngon kep Nide nipreu ei mem yokti kikau.

MAZMUR 89:7

tuhan e, hiter noyam kin Nani ei mpia-bbed him bi. Ade awak di apai tes nya ei gwamti hi dem kep nok Nani bi.

MAZMUR 99:3

Nna ba, ikon ninyeng di jei di dia-diau kei cem. tuhan kwes-kwau!

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 15:13

Abie tut Ade limwa nya di ateu yok bingwes ngun pima bit leu nok apreu ei mem yok tu. Anyohou yok tug hon Ade nisindemti leu api abie tut yok ug ei minu di kwes kei di apreu ei mem yok tu.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

LUKAS 1:49

lewo Allah Di Sindem Bibor bibon mindur bida. Allah ninyeng kwes-kwau.

LUKAS 1:68

“Jikwei ba, inggei sut mben Israel ide Tuhan. Lewo Noni kwei mpu Nide limwa nya ba, kwek yok leu mun di kat yok.

EFESUS 1:14

Ninnei dima tak buk kep nye mem gima iba nyekep mun di Allah preu ei mem Nide limwa nya. Gima rino ikan mungkun tut bipia Noni mibindei ba, igyati kwes. Jikwei ba, inggei sut Allah tut nikei-kau-keisi!

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

NINDAT KEP TUHAN NICUKTI NYA 28:58

Gino jiba jingon di gom bibit jide tuhan Allah ningginau jeti nya di jo ei srat diniti ba, jinggei sut jide tuhan Allah di ninyeng jei bibor bijinga leu tut Nide nisindem biborti cem bi,

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

IBRANI 9:12

Kristus coi ug ei Ninsi Di Kwes di jo ei nisai buug kikau ug ei Ninsi Di Kwes-Kwau mbigom ngat he bijo kikau. Noni ttei kambir kin sapi nikre di nehen pap inggrom mem gima biya hacan mem tungwatu nya bi. Noro ttei Nonti ninggrom ba, bikwek nye leu sisar de nisindemti bijo kikau.

NINGAT-HI-NGAT NYA 4:8

Mindhe ningut bitai dima ibon inyehei nya muhwindagom bikwop yok ba, igyai njep mang bibor ntun him bei inyehei nya kin ingkek dip cem. Ipai doia bikwop mmun-njap ba, ikes ighyet tut bi sren. Doia di ipai dima “Allah di Sindem Bibor kwes-kwau o kwes-kwau o kwes-kwau o! Noni ningat rin ammani kin annani lene mikwei hanyen yo cem!”

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.