MAZMUR 110:2 - ALLAH NIHYET MEM TUNGWATU NYA

² tuhan mibindei ba, anyeng tak kep timiei Sionti nya mikieng kep minu nindigsi nya cem. Noni pai “Suar anyeng tak kep ade siceu nya!”

MAZMUR 110:2 ပူးပေါင်းရင်းမြစ်များ

MAZMUR 72:8

Ninyeng tak kepti mikieng kep dihyei nisurti-nipekti leu Minyei Efrat kikau ug bipek minu nohon keti.

NEHEI LEUSI 7:19

Lene tuhan pai bu bak Musa “Ma acuk Harun biyai nide tom lene su gau minyei nya kin minyei pmot nya kin igpong nya hagom ningwa dip apino minyei minok nggrom bidem minu Mesir nisurti-nipekti hagom. Minyei ei tong nsi nya kin dibijigsi nya hagom minok inggroma.”

NEHEI LEUSI 8:5

Lene Noni pai bu bak Musa “Ma acuk Harun bisu nide tom bijo nai gau minyei nya kin minyei pmot nya kin igpong nya hagom ningwa dip bibindei ba, ugwaham nya mikiju leu minyei jou bikieng kep minu Mesir nisurti-nipekti hagom.”

YESAYA 2:3

Yahagom mipai cuk yam bipai bipia jikwei ba, yahagom ikui ug ei tuhan De Mbigdip ba, ikui ug ei mben Israel ide Allah De Ig. Noni mingginau nye tut mun di suar igyai kep nya. Nyeni mibit puig di Noni ndo binye lewo tuhan nipingok nyeti nya kwei leu minu ndig Yerusalem. Noni miya ei nungug Sion bimbrap bit nye.”

YEREMIA 48:17

Je di ngkiai nya di jibong dideu minu Moab di jikan tut ninyeng jeisi di tibim bidem minu nya e, ma jipim tut noni! Jipim ba, jibwos-bwos nyen “Minu Moab ninyeng tak kep mun nyeng hi bu bi o! Nide ninyeng jeisi kin nisindemti pror tu o!”

YEHEZKIEL 19:14

Hum di dwim mpiati su nidwep bicig ninjem kin ninda kin ningat bikinei. Tini bu ne ninda sindem ba, dem mem gima igyai binok tom ninyeng tak kepti mem nibou ndig bu bi sren. Gima ne doia nibwos-bwos nyenti di limwa nya ikon nyen kikau ri.”

YEHEZKIEL 47:1

No dima buwak da hanyen kwei ei dimbou hui di ibicoi ug ei tuhan De Ig. Lene dingat lo, minyei biam leu dimbou hui di itu ei tuhan De Ig dima nibehei bei mpia nipriti bit leu Tuhan De Ig nibirok kikti. Minyei dima biam kwei leu dimbou hui nibehei ei nite di birok kik mpia nibiho bimbut sir nimbar hum dok ninghas nite di birok kik mpia nibiho.

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

MIKHA 7:14

tuhan e, ma anyohou Ade limwa di adimig ei su nya. Ibong biyongkom ei mpia nintiti lo, dihyei di nnum kei jo ttai yok. Ma asindui sut ba, igyem kep njita ei abris nghousi di nnum kei ei hanjop Basyan kin Gilead cem bit leu nok igyai kepti di nipou su nya.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.