MAZMUR 11:7 - ALLAH NIHYET MEM TUNGWATU NYA

⁷ tuhan singat kei ba, ningon sren-srau. Ningon ngakei yo di ibon mun di kei nya. Yo di ingon sren kei nya mingat tuhan Ningat igbit.

MAZMUR 11:7 ပူးပေါင်းရင်းမြစ်များ

AYUB 36:7

Noni nyohou ngig niyai kep yo di ingon gom nya lene bindei ba, inyeng tak kep limwa nya noyam kin nibou ndig nya cem leu api tungwatu nya inggei sut yok bijo ninno bijo kikau.

MAZMUR 146:8

lene bindei ba, yo di igyai tu nya igyai da bingat mpia hanyen. Noni kon yo di icut nya bikiju hanyen ba, ngondut Nide limwa di ingon sren nya.

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 21:6

Noni yai ninyeng jei bibor lewo ampu noni apino ninyeng tibim bidem minu. Gima rino yo di yahagom ibou cut binoni bibor.

MAZMUR 33:18

tuhan nyohou yo di ikuk yok biNoni kin yo di iba ingon com ningon ngakei yokti di jo ninno bijo kikau.

MAZMUR 33:5

tuhan ningon ngakei ningon di kwes-kwau kin ningon di sren-srau. Ningon ngakei nyeti ug hon nohonti bi bikieng kep dihyeisi dini hagom.

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

MAZMUR 37:28

Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

MAZMUR 42:5

Tirigi diyok ngon kep mpe di po diya tut disut bat kin dide bat nya binicoi ug ei tuhan De Ig mem njap ndig bidibie tut yok ne dingon ngguk bibor. Mpe dima lene nahagom ningon llei bibor ba, nipai doia cem ba, niba nimbos-hi-mbos binggei sut Allah.

MAZMUR 45:7

Allah yai nisindemti bina mem gima anyeng tak kep limwa nya. Ade nisindemti jo ngkiem bijo ninno bijo kikau. Aba angon srenti binyeng tak kep ade limwa nya.

MAZMUR 45:8

Angon ngakei ningon di nisren-srausi lo, angon mpo tut nikinei biborti. Gima rino ade Allah dimig nani ei bibindei ba, angon nggei-hi-nggei dor njiriek nibou ndig nindigsi nya ug a.

MAZMUR 5:12

Noro ma asindui sut ba, yo di igwam coi Nani yahagom ingon nggei-hi-nggei hak ug ba, igyai nillei bijo ninno bijo kikau. Anyohou yo di ingon ngakei Nani leu binhyepo igyai nillei tug hon Nani.

MAZMUR 7:11

No di nyohou diyaisi rino Allah di teu yo di ingon sren nya bingwes ngun.

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

MAZMUR 99:4

Na di nibou ndig di asindem bibor e, angon ngakei Ade nikos tutti nya. Ata ningon sren-srausi kin nicukti nya kin nisingat tut yamti ba, abipingok kep Ade limwa nya ingonti leu binhyepo ibon mun di igbit ningkom.

NIPINGOK NINGONTI 15:9

tuhan ningon mpo tut yo di yaham imbuk kep Noni igyai munti nya noro ningon ngakei yo di ibrim ingkek mem gima igyai igbit ningon kanti.

YESAYA 61:8

tuhan pai “Dingat dingwes ei yo di ingon sren-srauti lo, dingon mpo tut yo di isibut nya kin yo di ico kep hiter nya. Midiba dingon di gom biyai amuhup bina bidiba nipreu di jo ninno bijo kikau bipreu ei mem na.

PETRUS GI NIGOM 3:12

Lewo Allah nyohou yo di ibit ningon kanti bingig nitingou mem ide nadi. Noro Noni tte tut yo di isibut di ibon mun di mbuk nya.”

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

NINGAT-HI-NGAT NYA 22:4

Yoni mingat Allah niimaisi brei bou igyai him lene Nonti ninyeng mijo ei Nide awak nya ingwakti.