MAZMUR 11:4 - ALLAH NIHYET MEM TUNGWATU NYA

⁴ tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 11:4 ပူးပေါင်းရင်းမြစ်များ

NIBOHON MBEN ISRAEL GI NIGOM 17:5

Lewo habiei tirigi po diteu mben Israel leu minu Mesir pima kikau kwei bipek ammani kep lene dibong ser ig hi bi noro dipo-po nyen bidibong kep prak meng nya he.

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

AYUB 24:23

Mbro nok gino Allah sindui sut ba, no di sibut bong kei gwam kei lo, Noni ngig niyai kep yok bijo kikau.

MAZMUR 103:19

tuhan ta nide banggo mbrei ei gwamti. Ninyeng tak kep mun nyeng hagom.

MAZMUR 113:5

Tou rinoyam kin ide tuhan Allah i? Noni kui bigwam ei Nide banggo mbrei dip ei mpia di anai.

MAZMUR 139:23

Allah e, anggok tut dingon mien. Ambus dingonti ba, asigbou da cem leu binhyepo angon dorti tut dingon kanti nya.

MAZMUR 14:2

tuhan cap kwei leu gwamti bingig niyai kep tungwatu nya. Noni nggok ser yo di ingon ki di ikuk yok biNoni.

MAZMUR 18:6

Mun di suwok ei minu nimai nya ide yon ttai da. Minu nimai nya ide di nok kau mbrei jo doho bei.

MAZMUR 2:4

Noro tuhan di gwam ei nide banggo mbrei dip ei gwamti pa ndip yok. Noni ba nihyet bicig yok tut ingon kanti di bon ninyeng bi nya.

MAZMUR 33:13

tuhan gwam nuhu kwei ei gwamti bicap kwei ei dihyeisi dini bingat tungwatu nya yahagom.

MAZMUR 44:21

Gino nikuk nye bak Allah bu bi biningat nadi bak kwar nya,

MAZMUR 66:7

Noni ba mimbri di kui ningkek bininyeng tak kep limwa nya bijo ninno bijo kikau. Noni mian huk ngkiai nya leu binhyepo yaham imbuk kep bisrep huk Noni bi.

MAZMUR 9:11

tuhan e, yo di ikan tut Nani iba ingon com Nani lene akes yo di ikuk yok biNani ei bi.

NIPINGOK NINGONTI 15:3

Mun di pek kep bidem mpia ttou nsi hagom jo nibreisi bou tuhan niyai him. Noni yok ngon kep niyai munti di kei kin gi kinei nya hagom.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

MIKHA 1:2

Je di ngkiai nya ei dihyeisi dini hagom e, ma jingig jitingou mem dihyet! Je di jibong ei dihyei dini nisurti-nipekti e, ma jimiap kep dihyet! tuhan Di Ninyeng Jei Bibor mikwei nok no di ngat mun nyeng hagom bou niyai him bipai kep jahagom! Ma jimiap kep nihyet di tibim kwei leu Nide Ig di kwes-kwau ei gwamti.

HABAKUK 2:20

tuhan ningat rin ei Nide Ig di kwes-kwau. Ma tungwatu dihyeisi dini hagom ikimut yuhui ei Noho bei bimbrap au.

ZAKHARIA 2:13

Ma jahagom jigwam nyahan ei tuhan Noho bei! Lewo Noni sindi jo leu nigwam kepti ei gwamti kwei su.

MATIUS 23:21

Gino tungwagom heng bitug hon Tuhan De Ig lene gima noyam kin noni heng bitug hon Ig dima bitut Allah di ningat rin ei Tuhan De Ig dimati cem.

MATIUS 5:34

Noro tini bu ne dipai bije bipia ma jeheng bitug hon mun nyeng hi au. Ma jeheng bitug hon mpia-bbed him au. Lewo mpia-bbed him ne Allah de banggo mbrei ri.

KISAH 7:49

‘Allah pai bipia gwamti rinok banggo mbrei mem digwati lene dihyeisi rinok bilen mem dimigya. Jingot ig di nok mindei mem Da i? Nghim nsi mem dibong nyahan eisi rigitou i?

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

NINGAT-HI-NGAT NYA 4:2

Tirigi nihyet dima tibim rino Allah Ninnei sindem tut da bidingat banggo mbrei ningat gom ei gwamti ba, tungwagom gwam eisi.