MAZMUR 109:14 - ALLAH NIHYET MEM TUNGWATU NYA

¹⁴ Nnaba tuhan yok ngon kep nidigup bat-nidigai bat di nipou nya ide sisar lene bikos ser nipmem de sisar bi.

MAZMUR 109:14 ပူးပေါင်းရင်းမြစ်များ

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

SAMUEL GI NICAN 3:29

Nnaba, Yoab bitut nide bat nya yahagom mibiang nibuhunti drek dip igyai munti di kinei dima. Nnaba tungwagom leu Yoab de nintun him di bram yam nya tug ndei ninggwen di buhun bibor di yem ningkek dip ug e, he pinai nya inghuisi jet-jop ug e, he bihi mai ei pranti ug e, he bihi njita dem mem noni bi ug e, nok gima sindam bijo ninno.”

NIBOU NDIG NYA GI NICAN 11:1

Tirigi Atalya miap tut nipmot Nibou Ndig Ahazia nimaisi rino cuk tentara nya leu binhyepo igyai nimai bak Ahazia nide ig bei nsi nya yahagom.

NIBOU NDIG NYA GI NICAN 8:27

Ahazia kin nide ig bei nsi nya imbier kim Nibou Ndig Ahab kin nide ig bei nsi nya tug hon gi po wak Nibou Ndig Ahab nipmisop pima. Apino Ahazia bon sisar tut tuhan noyam kin sisar di Ahab kin nide ig bei nsi nya ibon pima.

NIBOU NDIG NYA GI NICAN 9:27

Tirigi Ahazia ngat mun di cut igkep Yoram dima lene kui ei nide kroba pranti binang ndam minu ndig Bet-Hagan. Lene Yehu huk bram noni bicuk nide tentara nya “Jiyai nimai binoni cem!” Leu api iprindei noni bikinei ei puig di ug ei Gur dideu minu ndig Yibleam. Noni nang tut nibok kikau ba, ug krau Megido leu api mai ei sirima.

NEHEMIA 4:5

Ma akos ser ide sisar ba, angon prion ser ide mun di mbuk au. Lewo ighyet wer mpiahi tut nye di nikinding ngug tig dini hanyen.”

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 34:7

Dingondut tungwatu nya kikau ug bipek ide nintun him yamti di bram yam nya ibou sribu-ribu. Dikos ser ide sisar kin ide mun di igyai tunggwei nya. Noro bit bon yo di ingon mui nya mingwes ngun leu hukum kan bi. Lewo midikes hukum ei imunggwom bat nya kin ignyon bat-idrot bat nya dip kikau ug bipek ide nintun him yamti di bram yam nya nimpung gi niningai kin nibitai drek dip ide pung di intun him nya ide sisar.”

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

YEREMIA 18:23

Noro tuhan e, akan bidem tut ide nuhum yam nsi mem gima igyai nimai bida. Ma akos ser igyai munti di kinei kin ide sisar au. Ma abui yok ba, anjei yok bibou icut ug e. Ma aba angon sibut biborti biyai yok.”

IMAM NYA IDE MIDYAI 26:39

Jibou poi di jimai bi ba, jingwes ngun ei jingkiaisi dima ne mijikinei-kinau drek dip jide sisar kin jidigup bat-jidigai bat nya ide sisar.