MAZMUR 108:6 - ALLAH NIHYET MEM TUNGWATU NYA

⁶ Allah e, ando Ade ninyeng jei biborti ei mpia-bbed him kin Ade nikei-kau-keisi bidem dihyei nisurti-nipekti.

MAZMUR 108:6 ပူးပေါင်းရင်းမြစ်များ

SAMUEL GI NICAN 12:25

Noni cuk Nabi Natan leu binhyepo jem mot dima ninyeng Yedija lewo tuhan ningon ngakei noni.

NIBOU NDIG NYA GI NIGOM 18:24

Lene ma Baal de nabi nya ingat nadi bak ide kwar Baal di ikuk yok bak leu api midingat nadi bak tuhan. Gi hi di buhup ighyet tug hon gi pinak hum kwei leu mpia-bbed him kwei ne Allah nijit ri.” Lene mben Israel yahagom imbos-hi-mbos bipai “Nice tut ade nicuk nyeti!”

NIBOU NDIG NYA GI NIGOM 18:26

Yoni idimig sapi nikre ningut gom ei bitin ei bidem tu. Lene ingat nadi bak kwar Baal leu njap bigyoti kikau bipek mpia huk pijum. Iba ighyet nindig bibor pai “Na di kwar Baal e, ma abuhup nyeni nihyet o!” Lene ipri-pri nyen bibikrop ttai ide nimbar hum dok noro kwar Baal di ikuk yok bak buhup ighyet bi.

NIBOU NDIG NYA GI NIGOM 18:29

Icot-cot nyen nok gima dem kep nok yo di mirei bon yok kikau ug bipek mpia caisi noro kwar di ikuk yok bak dima buhup ighyet ba, yok ngon kep yok bi sren.

MAZMUR 54:1

Doia nibingginau di Daud pai ei mem no di bie tut doia nimpung. Ipai doia dini ba, ibibit nggong mbrei nibimbiti.

MAZMUR 57:6

Allah e, ando Ade nisindem biborti brei ei mpia-bbed him a. Ando Ade nikei-kau-keisi bidem dihyei nisurti-nipekti.

NEHEI LEUSI 15:6

tuhan e, Ade nisindemti di nindig bibor bindei ba, nahagom ninga leu sut bijo ninno. Lewo atam Ade siceu nya binnir-wap tug hon Ade nisindemti tu.

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

NINDAT KEP TUHAN NICUKTI NYA 33:12

Lene noni pai sut keret Benyamin bipai, “tuhan ningon ngakei keret Benyamin biya srak ko hagau yok bidem njap jei ba, Noni ningat rin bibong ei ikieti.”

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.