MAZMUR 107:34 - ALLAH NIHYET MEM TUNGWATU NYA

³⁴ Noni bindei ba, dihyei ninnumti luei nitta binok iggum ndigsi drek dip timiei minu dima ide nisibutti.

MAZMUR 107:34 ပူးပေါင်းရင်းမြစ်များ

NITRITI 14:3

Nibou ndig ibou muhwi dini injei siceu bibicom yam bikieng kep mbang briep ndig Sidim titut yam. Nogindini ijem mbang briep dima Igpong Nsim.

NITRITI 13:10

Lene Lot cap ser minu dima bingat mbang briep ndig ei Yordan nyai bingat lo, bon minyei nimangti kikau ug bipek minu ndig Zoar ba, noyam kin tuhan de miai kin minu Mesir cem. (Minu dima hagom nok gima nipou tirigi tuhan cok tut Sodom kin Gomora bigyo.)

YEHEZKIEL 47:11

Noro minyei di ut ei lipigti kin minyei utti di jo sir minyei nintig dip nya nnai bi noro nok nsim nibousi a.

NITRITI 13:13

Mpe dima lene timiei minu ndig Sodom nya imbuk bibor ba, ibon sisar tut tuhan.

NITRITI 4:12

Gino andim njita ngan lene nikioi mehei noro ningat mintun him bi sren. Dibindei ba, abong-bong wai bidem dihyei ninjek dip apino abon atimieisi hi bi.”

MAZMUR 68:7

Noni yai mpia di mem nibongti bak yo di igwam biyongkom di ingwes kinyon nya bibongti. Noni kwek yo di isima nya leu ig bui nsi apino igwam ingon di kei a. Noro suar yo di ikiek imig jou tut tuhan ibong ei dihyei di ngak-cai di ngoi-nga cem.

YEREMIA 5:25

Noro jide sisar dima yok rino bigen ser mun di kei dima yok hagom dino jingat jingwes eisi bi a.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEHEZKIEL 12:19

Ma atri tut nihyet di Da di tuhan Di Dinyeng Jei Bibor dipai bak timiei minu ndig Yerusalem di ibong ser ide ig nya. Yoni midigit-digoi ei mpe di igyem njita ba, nittinti mihwen yok ba, iji kibi-kibou yam ei mpe di idut minyei. Ide dihyei ngoi-nga lewo yo di yahagom di ibong ei minu dima ipigau Ditde nikos tutti nya bijo kikau tu.