MAZMUR 106:3 - ALLAH NIHYET MEM TUNGWATU NYA

³ Yo di ibit Nide nicukti nya ba, igyai munti nya hagom igbit ne ingon nggei-hi-nggei.

MAZMUR 106:3 ပူးပေါင်းရင်းမြစ်များ

MAZMUR 119:106

Midiyai igbit Ade nipingok dati di sren kei nya bit leu nok dipreu ei mem Na tug hon neheng.

MAZMUR 119:112

Dikos tut bipia midibit Ade nimbrap tutti nya kikau ug bipek diyaijo ningwig honti.

MAZMUR 119:20

Ditde ningon di ya mem ahyetti dima bindei ba, dingon dut. Disuar gi dingon dorti tut Ade nikos tutti nya bikwop mmun-njap.

MAZMUR 119:44

Midikrau kep Ade nicukti nya bijo ninno bijo kikau.

MAZMUR 15:2

No di dem mem gima ne no di bit Allah nihyet titut lene krau tunggwei puig bi di ba ningon di sren bipai nihyet ei nuhui him,

MAZMUR 25:7

Akos ser ditde sisar kin ditunggweisi nya di dibon habiei leu dipilei kwei su nya. Ayok ngon kep da lewo Nani ne Na di angon ngakei Ade limwa nya rin ba, asingat bibor.

YESAYA 64:5

Aya um yo di ingon sren kin yo di igyaijo bit leu angon kanti nya. Mbro nok gino angon sibui sut nye lo, nibon kep sisar ba, niyai mun tunggwei habiei kwei bipek ammani kep.

MARKUS 3:35

Lewo no di yai igbit Dicig ningon kanti ne dikinjoi kin dikwohop kin dipmem ri.”

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

LUKAS 11:42

Aye! Buhun bibor mem je di Farisi nya! Lewo jikwas jide mun di bindei njita nyop kei gom leu ningot gom tut Allah noro jiba jinghim bak ningon srenti kin ningon ngakei Allahti. Suar jiyai igbit mun dini yok lene ma jingon prion ser nicukti nya pima cem au.

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

YOHANES 15:14

Gino jibit Ditde nicukti nya lene jinok disut bat di dingon kieti nya ri.

KISAH 24:16

Gima rino dita dibou ei dingon mien di kwes kin Allah kin tungwatuti kikau.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

GALATIA 6:9

Gima rino ma ingon cut leu ide niyai munti di kei bibor nya au. Leu gino ingon cut leu bi lene mpe di gom mingat ningat leu igyai munti dima yo.

NINDAT KEP TUHAN NICUKTI NYA 11:1

“Ma jingon ngakei jide tuhan Allah ba, jice tut jibit nicuk jeti nya hagom.

NINDAT KEP TUHAN NICUKTI NYA 5:19

Harin dima jinggimang mun nyeng hi a.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.

NINGAT-HI-NGAT NYA 7:15

Gima rino idem yam bigya ei Allah de banggo mbrei nuhui bikuk yok bak Noni bikwop mmun-njap ei Nide Ig. No di gwam banggo mbrei dip ningat rin bit yok binyohou yok.