MAZMUR 106:23 - ALLAH NIHYET MEM TUNGWATU NYA

²³ Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

MAZMUR 106:23 ပူးပေါင်းရင်းမြစ်များ

AYUB 35:8

Noro ade sisar di abon nya he ribindin asut bat nya lene ade nibon munti di kei rino bimpu yok cem a.

MAZMUR 105:26

Noni pinak Nide awak di Musa kin Harun di Noni dimig yok ei su nya.

MAZMUR 105:6

ma jiyok ngon kep Nide mindur di bibon nya. Ma jingon prion ser Nide nikos tutti nya au.

NEHEI LEUSI 32:32

Ma aom angon tut yok ba, akos ser ide sisar. Gi bi lene adip tut dinyeng leu Ade daptar di apas kep Ade limwa nya inyeng eisi hak ug.”

YEREMIA 5:1

Je di timiei minu ndig Yerusalem e, jijop jide puig ngot ei jide minu ndig ba, jingig jiyai kep bidem bijingat bou jiyai him. Jingig jiyai kep bidem puig mien di jo bidem jide minu ndig bijingat tungwagom di ningon sren di brim ningkek mem Allah biningon gom tut Noni bou jiyai him e? Gino tungwagom ningat rin lene tuhan mikos ser timiei minu ndig Yerusalem nya ide sisar.

YEHEZKIEL 13:5

Igya ser mpia di ngug tig tti leusi nya ba, igikinding ngug tig nikineisi dima yok bi. Gima rino ei njap di Da di tuhan dibindei ba, pran di biang hukum di dikes ei yok dip dima cut kwei lene yoni mingkiem ser Israel kan bi.

YEHEZKIEL 20:8

Noro yaham imbuk kep Da ba, igimiap dihyet bi. Ikou sut gima icom kwar di suwok bibor di ikuk yok bak dima lene ibikes hon gi ikuk yok bak mben Mesir ide kwar cem. Mpe dino ingat rin ei minu Mesir ne ditin ei mem gima dikes Ditde niggati ei yok dip.

YEHEZKIEL 22:30

Dinggok no di dem mem gima win ngug tig kan kin gi ya ngkiem ser mpia di ngug tig tti leu su nya cem ei mben Israel ikieti mem gima ya ngkiem ser minu dima ei mpe di dibindei timek ide minu tug hon Ditde nigga bibor nikui mpiati. Noro digingat no dima ei mben Israel ikieti bi.

MBEN ISRAEL IMBUT-MBUT NYEN 16:5

Leu api pai bak Korah kin yo di igya kui noni “Njap di hyep bu mem mpia tekti api tuhan mindo igbit Nide imam di ninyeng tak kep pijum. tuhan misindui sut imam di Noni ndo ei su dima nongkom ya dideu Noni ei bei nimbar hum dok.

MATIUS 12:18

“No dini ne Ditde Awak rin ba, didimig Noni ei su. Dingon ngakei Noni bidingat dingwes ei Noniti cem. Midikes Dinnei ei Noni dip leu api Noni mitri tut dingon kanti bak ngkiai nya yahagom.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

YOHANES 15:19

Gino jinok gom kin tungwatu dihyeisi dini lene ingon ngakei je lewo jinok yoni. Noro didimig je bijo ter leu tungwatu dihyeisi dini bijinggre kin yok bu bi. Yo dima ingon mpo tut je drek dip gi jinggre kin yok bu bi.

NINDAT KEP TUHAN NICUKTI NYA 10:10

Lene dibong ei mbigdip dima mem mmun-njap nyatungwacan bit leu nok gi nipou pima ba, tuhan ngig nitingou mem dihyet mbigom kin bu bice tut bipia Noni micok tut je bi.

NINDAT KEP TUHAN NICUKTI NYA 9:19

Lewo didigit tut Nide ningon di sibui sut jeti di cig-cai nok hum di mibindei ba, Noni mihwen je bijingwig cem. Noro mpe dima ne Noni miap dihyet mbigom bu.

NINDAT KEP TUHAN NICUKTI NYA 9:25

Gima rino dikuk da bidiba dingwak bikik dihyei ei tuhan Noho bei mem mmun-njap nyatungwacan pima lewo dikan tut bipia Noni bungwam mem gima mihwen je bijingwig.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.