MAZMUR 106:1 - ALLAH NIHYET MEM TUNGWATU NYA

¹ Ma jinggei sut tuhana! Ma jipai sigyo bak tuhan lewo Noni singat kei. Nide ningon ngakeisi jo kikau buug hon nohonti bi.

MAZMUR 106:1 ပူးပေါင်းရင်းမြစ်များ

NIBOHON MBEN ISRAEL GI NIGOM 16:34

tuhan ningon kei sut nye ba, ningon ngakei nyeti jo kikau bijo ninno. Gima rino ma jipai sigyo bak Noni.

NIBOHON MBEN ISRAEL GI NIGOM 16:41

Idimig Heman kin Yedutun kin nindigsi di impu Imam Zadok kin imam nindigsi nya pima pijum ei mem gima ipai doia bibikon tuhan ninyeng tut ningon ngakei tungwatu nyati di bijo ninno bijo kikau.

EZRA 3:11

Iba doia binggei sut tuhan bipai, “tuhan kei-kau ba, ningon ngakei mben Israelti bijo ninno bijo kikau.” Tungwatu nya yahagom imbos-hi-mbos sindem bibor binggei sut tuhan lewo tukan nya ikinyon ei midyai niwin tuhan De Ig nikiouti hanyen tu.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 105:1

Jikwei ba, ipai sigyo bak tuhan bisimbot dat ninyeng di jei bibor cem. Ma itri tut nide midyai nya bak ngkiai nya.

MAZMUR 105:45

leu binhyepo Nide limwa nya mibit Nide niggai serti nya bice tut Nide nicuk yokti nya cem. Jikwei ba, inggei sut tuhan!

MAZMUR 107:1

Jikwei ba, ipai sigyo bak tuhan di singat tut nye lewo ningon ngakei nyeti ug hon nohonti bi sren!

MAZMUR 118:1

Jikwei ba, ipai sigyo bak tuhan lewo Noni singat tut nye ba, ningon ngakei nyeti ug hon nohonti bi sren cem.

MAZMUR 119:68

Lewo asingat kei ba, abon mun di kei. Angginau da tut Ade nimbrap tutti nya.

MAZMUR 135:3

Ma jinggei sut tuhan lewo Noni kei-ngat-kei. Ma jikon Ninyeng lewo Noni singat kei sut nye.

MAZMUR 136:1

Jikwei ba, ipai sigyo bak tuhan lewo Noni kei-ngat-kei. Nide ningon ngakeisi jo ninghig-niker.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

MATIUS 19:17

Yesus buhup “Nggon rino ahig ser Da tut mun di kei i? Allah Nongkom kei. Gino ajoi sut atug ndei niyaijo kikau lene ma abit Allah nicukti nicuk nyeti nya.”

TESALONIKA GI NIGOM 5:18

Ma jijem sigyo bak Allah tut mun nyeng hagom di pek kep mem je. Ba, gima yok hagom lene Allah ningon kanti mem je di jinok gom kin Kristus Yesus ri.