MAZMUR 105:16 - ALLAH NIHYET MEM TUNGWATU NYA

¹⁶ tuhan sindui sut ba, ninggum nindig bibor hwen yok ba, ide njita hagom ngwig leu yok.

MAZMUR 105:16 ပူးပေါင်းရင်းမြစ်များ

YEHEZKIEL 4:16

Leu api pai bida bu “Na di tungwatu di ayaijo kikau bi e, dicok tut njita di jo ei minu ndig Yerusalem hagom. Tungwatu nya miba ingon di bos-bos nyen kin ingon di ku yok bikwas njita di igyem kin minyei di idut tut yam ba, igyem njita bidut minyei cem poi mien he.

YESAYA 3:1

Ningat ne tuhan Di Sindem Bibor mipos njita kin minyei di jo ngug-ngau kin ide nibou di iba ingon com yok nya hagom hak leu minu ndig Yerusalem kin minu Yehuda. Yo dima ne,

NITRITI 41:54

Leu api ari bingwam nitindur muhwindacan di biang ninggum di kinei bibor sindi tau kep yok bu bit leu nok Yusuf nimbot kepti pima. Njita mui bingwig ei dihyeisi dini hagom ug bipek minu nohon keti. Noro njita nikenti nindig bibor jo bidem minu Mesir hagom.

IMAM NYA IDE MIDYAI 26:26

Njita mingwig leu jeni apino sop ibou simnai isuar komfor di inon roti eisi gom ngat he mem inon roti di jo bak yoni eisi. Mbro nok gino ikwas roti dima tut je bijiyem bingwig leu lo, ninggum mihwen je kikau.

KISAH 7:11

Lo bi lene ninggum nindig bibor hwen minu Mesir kin Kanaan hagom ba, njita mui bingwig leu tungwatu nya. Gini buhun tak yok nindig bibor. Ninggum nindig bibor dima hwen ide pung di intun him pima yok cem.

MAZMUR 104:15

ita ba anggur bidut ningei di bindei di ingon kei bibor. Ita biei zaitun bipot ningei di bindei bingon llei bibor. Igyai miai ba, ibiyai njita di igyem di biyai nisindemti biyok.

NIBOU NDIG NYA GI NICAN 8:1

Mpe di gom ne tuhan ba ninggum di buhun bibor bihwen mben Israel kikau mem nijam ari bingwam nitindur muhwindacan. Tirigi ninggum di buhun bibor dima cut igkep yok bigyo lene Elisa mbot kep tut gima bak sop timiei Sunem po nipmot mai pima lo, Elisa win bikiju hanyen leu nimai eisi tu. Elisa mbot kep tut gima lene bidip huk noni leu binhyepo pri tut nide ig bei nsi nya biyuug ei minu hiter ug e.

NITRITI 47:13

Mpe dima lene ninggum di kinei bibor hwen timiei minu Mesir nya kin mben Kanaan yahagom. Njita hagom ngwig leu yok apino inghuisi jet bibor.

NINGAT-HI-NGAT NYA 6:8

Dinyohou tou kep bidingat lo, kuda di ninta pimber ningut gom ttau kwei. No di bri bigwam dip ninyeng Nimai ba, no di ninyeng Minu Nimai Nya Ide bri bigwam ninghim dip. Yo dini ikrau nisindemti mem gima ihwen tungwagom leu ibou bitai lene nok ei dihyeisi. Ba, yo cin dini iba nikon pran kin nsuwer ajar kin mindhe-ndhe di niten-pos naham yokti bindei timek yok bingwig.

HAGAI 2:17

Dibindei juk hou di dut kin biget di mbras nok tig njep di bindei ningat jide ei miaisi nya hagom sar. Mbro nok gima lo, jittin ser jide sisar bijingkwei hanyen ndam Da bi.

AMOS 3:6

Gino pun mbrei di sok kep timiei minu hi tut pran nitausi tibim ne gima bindei ba, tungwatu nya idigit tut bi e? Gino tuhan kes mun di buhun ei minu ndig gom dip bi lene mun di buhun dima micut igkep yok e?

NITRITI 47:19

Ma asindui sut nye binimai hak au! Leu gi nok lene nyende hanjop nsi nya minok ha ngunti bram nye bu. Minitri nyenti ningut kin nyende dihyei hanjop nsi nya bina di Andigpoi ba, nibipek njita leu na. Nibon nyenti nok awak mem Firaun ba, noni nyeng tut nyende hanjop nsi nya bu. Ma ayai gandum ngan binye nok njita di niyem kin njita bou di nindim ei miaisi cem!”