MAZMUR 104:24 - ALLAH NIHYET MEM TUNGWATU NYA

²⁴ tuhan e, aba angon di ki bipai tes mun nyeng mang bibor. Dihyeisi dini mpung tut Ade nipai testi nya.

MAZMUR 104:24 ပူးပေါင်းရင်းမြစ်များ

NITRITI 1:31

Lene Allah ngig niyai kep mun di Noni pai tes nya hagom ba, ningon llei bibor. Nok rino mmun pren leu api njap tek ba, gima ne njap gi nimuhwindagom ri.

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

AYUB 5:9

Allah de midyai nya hagom dor tunggwei bibor. Bit bon singon dorti tut kan bi. Bit bon sikwop kep Nide mindur nimangti kan bi lewo mindur dima ngwig hon nohonti kan bi.

MAZMUR 107:24

Ingat tuhan de midyai nya kin Nide mindur nya di Noni bibon ei muk ndigsi brei bou igyai him.

MAZMUR 107:31

Suar yoni ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yoni cem.

MAZMUR 136:5

Noni ba ningon ki bipai tes mpia-bbed him. Nide ningon ngakeisi jo ninghig-niker.

MAZMUR 148:7

Je di jibong ei dihyeisi dini e, ma jinggei sut tuhan. Je di sroi ei muk jou kin muk ndigsi,

MAZMUR 24:1

Doia Daud. tuhan nyeng tut dihyeisi dini kin mun di joti nya bitut dihyei ninjek dip kin yo di ibong kep nya ba, inok Nide limwa nya.

MAZMUR 40:5

Yo di iba ingon com tuhan ingon nggei-hi-nggei. Lewo iba yoho rok kwar binjei bit yo di ikuk yok bak kwar nya bi.

MAZMUR 65:11

Akes biget di but kwei biprok miai ngausi bibon dihyei suti kin ninnumti lene abindei ba, nikioi ntun him cem.

MAZMUR 8:3

munggwom nya kin ningwoi-ngwoi nya di inggei sut Nani. Anyeng di tak kep Ade limwa nya nddong kei ba, bit bon tungwatu nya ilor ba, Ade siceu nya kin yo di isrep tut nya yahap iji kan bi.

MAZMUR 92:6

tuhan e, abon munti nya mindur bibor ba, akan-kan nyenti cem jut bibor.

YEREMIA 10:12

tuhan ba nide nisindemti bipai tes dihyeisi dini. Noni ba ningon di ki bibon minu nya hagom lene ba nintin kimboti bikes mpia-bbed him bijo nijoti.

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

EFESUS 1:8

Allah nisingat tut tungwatu nyati ne kei ngat kei! Noni ba ningon di ki kin ningon di dorti tut mun nyeng hagom binjei nisingat tut tungwatu nyati dima bak nyeni nindig bibor!

EFESUS 3:10

leu binhyepo tini bu lene mbusyamei nya ibindei ba, mun nyeng hagom di ikrau kep nisindemti ei mpia-bbed him nya ikan tut bipia Allah ningon kiti bon ninyeng mang bibor.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.