MAZMUR 104:2 - ALLAH NIHYET MEM TUNGWATU NYA

² lene aba nipigati binggai kep Nanti. Angig mpia-bbed him nok no di hok prak meng ba,

MAZMUR 104:2 ပူးပေါင်းရင်းမြစ်များ

AYUB 36:30

Noni pinak kigyei ninjeng di srei bipiga mpia-bbed him titut yam noro muk jou ne dindi-kai bijo nok.

AYUB 9:8

Allah sindem mem gima prion mpia-bbed him ba, hi dima mpu Noni bi. Noni co kep mindhe naga di bong muk jou bidram ninghim cem.

YESAYA 40:22

No di gwam ei Nide banggo mbrei di jo anai dihyeisi dini bijo mpia-bbed him nuhu kwei pai tes dihyeisi dini. Tungwatu dihyeisi dini inok ako di bigbibor bou niyai him. Noni prion mpia-bbed him dem kep nok no di dis sre kin no di hok prak meng mem gima bong eisi.

YESAYA 45:12

Dani ne tuhan rin ba, dipai tes dihyeisi dini leu api dipai tes tungwatu nya leu binhyepo ibong kei igwam kei eisi. Diba Ditde nisindemti biprion mpia-bbed him ei anai ba, dinyeng tak kep mpia njap kin bed mmun kin ham mpia-bbed him nya hagom nimbutti nya.

DANIEL 7:9

Tirigi diyai bong kep ningat-hi-ngat dima lene dingat banggo mbrei poi di sindi ikwei prion ei. Leu api No di niyaijo bijo ninno bijo kikau kwei gwam ei banggo mbrei gom dip. Noni juk sinsun di tiei kei ba, nibou nta dem kep nok bungguma. Banggo mbrei dima bon nimig nok kroba nimig ba, hagom piga kei noyam kin hum di srei nidweb a.

HABAKUK 3:4

Akweisi noyam kin kigyei di ninjeng srei. Ninjeng di piga kei srei kwei leu andati. Aku ade nisindemti dima bijo ku ei andati.

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

MATIUS 17:2

Tirigi yoni iba igyai nghuisi jik kep Yesus lene ingat lo, Noni luei nitta ba, niimaisi piga kei dem kep mpia comti ba, Nide sinsun sieng-siau bitiei kei.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

YOHANES GI NIGOM 1:5

Nimiap nihyet leu Allah Nipmot leu api nitri tut hanyen bije bipia Allah ne nipigati ngat rin ba, nidinditi poi mien hi jo ei Noniti bi sren.