MAZMUR 104:13 - ALLAH NIHYET MEM TUNGWATU NYA

¹³ Apinak biget di but kwei leu mpia-bbed him ei nungug tou nyati lene abindei dihyei bimpung tut mun di kei nya.

MAZMUR 104:13 ပူးပေါင်းရင်းမြစ်များ

AYUB 38:37

Tou riningon ki nok gi dem mem gima kwop igbit bumbuhui hagom nimangti ba, tin bumbuhui nok no di tin ampou bibindei ba, mpia but mbras,

MAZMUR 104:3

angot ig mem Nanti ei minyei ngwa dip di jo anai gwam nibehei lene apri ba, agwam ei bumbuhui nya di nok Ade kroba pran kin hou ninyehei dip ba, abidor-dor nyen.

MAZMUR 147:8

Noni ne No di ba bumbuhui bijun mpia-bbed him rin ba, tin ei biget mem gima but kwei ei dihyeisi lene bindei ba, mintu-minta hei ei nungug tou nya.

YEREMIA 10:13

Noni ba nicukti he bibindei ba, minyei nibimbi bong ei niban di bikwas minyei leu yam ei mpia-bbed him. Noni bindei hei bumbuhui bikiju kwei leu dihyei nohon keti. Noni bindei hei kigyei cem ba, ninjeng srei bigetti leu api bipinak hou cem kwei leu nijo bou dip.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

AMOS 9:6

tuhan ngot Nide ig anai bibor ei mpia-bbed him. Noni pek mpia-bbed him ei anai leu dihyeisi dini noyam kin niban lene siber muk ngei ug ei mam bei. No di yai midyai dini hagom ninyeng rino tuhan!

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

KISAH 14:17

Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.”

NINDAT KEP TUHAN NICUKTI NYA 11:11

Noro minu di mijicoi eisi bon nungug him kin mbang briep nya ba, biget waisi dihyei a.