MAZMUR 103:1 - ALLAH NIHYET MEM TUNGWATU NYA

¹ Doia Daud. Dinnei e, ma anggei sut tuhan! Danti njem-nnei e, ma jinggei sut ninyeng di kwes-kwau.

MAZMUR 103:1 ပူးပေါင်းရင်းမြစ်များ

MAZMUR 103:22

Je di tuhan pai tes je nya di jingat rin ei minu di ninyeng tak kep nya hagom e, ma jinggei sut Noni. Dinnei e, ma anggei sut tuhan!

MAZMUR 104:1

Dinnei e, ma anggei sut tuhan! Ditde tuhan Allah e, anyeng jei bibor! Anyeng jeisi kin Ade nisindemti dem kep nok sinsun nibou ndig di ajuk,

MAZMUR 111:1

Ma jinggei sut tuhan! Midiba dingon titut bipai sigyo bak tuhan ei Nide limwa di idem yam ei ig mbusyamei gom nya ikieti.

MAZMUR 138:1

Daud ngat nadi. tuhan e, midiba dingon titut bipai sigyo biNa. Dipai doia ba, dibikon anyeng ei Ade awak di apai tes nya ei gwamti yoho bei.

MAZMUR 145:1

Daud de doia nibinggei sut tuhan. Ditde Allah kin ditde Nibou Ndig e, miditri tut anyeng di jei bidipai sigyo biNa bijo ninno bijo kikau.

MAZMUR 47:7

Ma jiba doia binggei sut Allah. Ma jiba doia binggei sut jide Nibou Ndig!

MAZMUR 63:5

Midipai sigyo biNa kikau ug bipek diyaijo ningwig honti. Tirigi dingat nadi ne midisu dinda kui ndam Na.

MAZMUR 99:3

Nna ba, ikon ninyeng di jei di dia-diau kei cem. tuhan kwes-kwau!

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

YOHANES 4:24

Lewo Allah ne Ninnei ri. Tungwatu nya igyai nisindemti leu Nonti Ninnei leu binhyepo iba ingon gom bibikuk yok biNoni.”

KORINTUS GI NIGOM 14:15

Gima rino dibon mindei i? Dibon nok gini. Diba dinnei he bingat nadi bi noro diba dibou ngwakti cem bingat nadi. Diba dinnei he bipai doia bi noro diba dibou ngwakti cem bipai doia.

FILIPI 1:9

Dingat nadi tindei je leu binhyepo jikum ei jide ningon ngakei Allah kin yo di jinttig-tta nyati ba, jikum ei jide ningon di dorti tut mun di nijit-jau kin gi jiba ningon di ki bimbus yam ngonti kikau,

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

NINGAT-HI-NGAT NYA 4:8

Mindhe ningut bitai dima ibon inyehei nya muhwindagom bikwop yok ba, igyai njep mang bibor ntun him bei inyehei nya kin ingkek dip cem. Ipai doia bikwop mmun-njap ba, ikes ighyet tut bi sren. Doia di ipai dima “Allah di Sindem Bibor kwes-kwau o kwes-kwau o kwes-kwau o! Noni ningat rin ammani kin annani lene mikwei hanyen yo cem!”