MAZMUR 102:17 - ALLAH NIHYET MEM TUNGWATU NYA

¹⁷ tirigi Noni win Sion hanyen bu bindo ninyeng di jei brei biyok.

MAZMUR 102:17 ပူးပေါင်းရင်းမြစ်များ

NEHEMIA 1:11

Ma angig atingou mem dihyet kin Ade awak nindigsi nya di ikon anyeng yahagom ighyet. Ampu da leu binhyepo dibindei ba, nibou ndig ngondut da tirigi dihug ba anggur ningei ei mokti bak noni mem njap di ammani lewo dani ne Ade awak ri.”

NEHEMIA 1:6

tuhan e, ma angig ayai kep da ba, angig atingou mem dihyet tirigi dingat nadi tindei Ade limwa di mben Israel bikwop mmun-njap. Dipai jit bipia nye di mben Israel nibon sisar tu. Dani kin didigup bat-didigai bat nya nahagom nibon sisar tu.

NEHEMIA 2:20

Dibuhup “Allah di ninyeng jei ei gwamti mibindei ba, nyende midyai dini mimbut sindem. Ninok Nide awak nya ba, mbigom nikinyon eisi ug ri. Noro jeni rino jiyai srat nisindem ba, jinyeng tut hanjop nsi hi ei minu dini bi. Ba, daptar di ipas kep timiei minu ndig Yerusalem nya inyeng eisi tibim tut jinyeng bi sren.”

MAZMUR 147:2

tuhan miwin kep minu ndig Yerusalem bibuwak yo di isima ei ingkiaisi nya hanyen kwei.

MAZMUR 22:24

Je di Allah de awak nya e, ma jinggei sut Noni! Je di jintun Yakub him e, ma jikon Allah ninyenga! Je di mben Israel e, ma jikuk je biNoni!

MAZMUR 69:23

Handei kon ba, ide midut niyem njitati bindei ba, nitimek ningwigsi cut igkep yoni kin isut bat nya.

MAZMUR 72:12

Lewo noni teu nikinei-kinau di isindem bi nya kin yo di yuhui mbum di yahara noni apino ingwes ngun.

MAZMUR 9:18

Minu nimai nya ide ne nipekti mem yo di isibut nya kin ngkiai nya di ikou sut Allah ri.

YESAYA 40:5

Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

YEREMIA 31:38

tuhan pai “Ei nidipti bu ne tungwatu nya miwin Ditde minu ndig Yerusalem hanyen ei ig di bon ninggre di jo-jo yam dip di ninyeng Hananeel ei nungug tig dip kikau ug bipek kin Dimbou Pmem Huisi ba,

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

NINDAT KEP TUHAN NICUKTI NYA 4:29

Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.