MAZMUR 102:15 - ALLAH NIHYET MEM TUNGWATU NYA

¹⁵ Mbro nok gino ngkiai nya inggek Sion binggek sinsiou tu lo, Ade awak nya ingon ngakei mpia dima. Mbro nok gino Sion wer ndung-diem tu lo, yoni ingondut minu ndig dima.

MAZMUR 102:15 ပူးပေါင်းရင်းမြစ်များ

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

NEHEMIA 1:4

Tirigi dimiap ibuhupti dima ne dikuk da bidipim ba, diyai nggwei kibor. Dingon ngguk bibor bidisindui njita ei mmun-njap poi leu api dingat nadi bak Allah,

NEHEMIA 2:17

Noro nogindini dimbot kep tut biyok “Ide minu dini kinei bibor ba, ngug tig cem lus bingwig su. Mun di buhun cut igkep nye tu! Jikwei ba, ikinding ngug tig di bikrop ttai ide minu ndig leu binhyepo immai sut itimieisi dini bu bi.”

NEHEMIA 2:3

bidibuhup “Na di Andigpoi e, ma ayaijo ninno! Bit bon diku diimaisi di hai bijo nding leu na di Andigpoi ayai him kan bi. Dingon buhun tut ditimieisi po itig didigup bat-didigai bat nya eisi pima lewo minu dima lus bingwig ug ei dihyeisi ba, hum yem dimbou pmem nya hagom tu.”

MAZMUR 138:4

tuhan e, nibou ndig dihyeisi dini hagom mikon anyeng lewo imiap tut Ade nipreu eisi nya.

MAZMUR 72:11

Nibou ndig dihyeisi dini hagom mikwei kuk yok binoni ba, ngkiai nya bidem dihyeisi dini hagom minok awak mem noni.

MAZMUR 86:9

tuhan e, mben ngkiai di apai tes yok nya yahagom mikwei kuk yok biNa bikon anyeng di jei bibor.

YESAYA 55:5

Mbro nok gino nipou ne ngkiai nya ikan tut je bi lo, tini bu ne tirigi jihig yok kwei lene yoni ibipbur bibrim imig kwei bigya joho bei. Da di tuhan ne jide Allah kin mben Israel ide Allah di kwes-kwau ri. Midibindei ba, mun dini yok mipek kep mem je. Midikon jinyeng ba, jei bibor.”

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 21:24

Minu ndig mipiga digai tungwatu dihyeisi dini hagom imbutti ba, nibou ndig nya mikwei sut ide ndigban di nibok kui bibor binju eisi.