MAZMUR 100:2 - ALLAH NIHYET MEM TUNGWATU NYA

² Jiba jingon di llei bibor bikuk je biNoni. Ma jiba doia di kei bibor di tibim ei juhui him bikwei ya nimig him!

MAZMUR 100:2 ပူးပေါင်းရင်းမြစ်များ

NIBOU NDIG NYA GI NIGOM 8:66

Hon kep njap gi nimuhwindaningai lene Salomo kes yahagom ba, ingkwei hanyen. Yahagom inggei sut noni lene iba ingon di llei sut mun di kei di tuhan yai bak Nide awak di Daud kin nide limwa di mben Israel yahagom bingkwei hanyen ug ei itimieisi.

NIBOHON MBEN ISRAEL GI NICAN 29:30

Nibou ndig kin nibou di inyeng jei nya icuk Lewi nya bipai doia nibikon tuhan ninyeng ngot di Daud Asaf nya ipas kep nya. Tungwatu nya yahagom iba ingon di nggei-hi-nggei bipai doia lene iba ibiau bicom mpia lene iba ingwak bikik dihyei cem bibikuk yok bak Allah.

NIBOHON MBEN ISRAEL GI NICAN 31:2

Nibou Ndig Hizkia bindei mbut nimpung imam nya kin nimpung Lewi nya hanyen bibit leu midyai di igyai nipou su pima. Midyai dima yok ne nibon midut nindig mindhe-ndhe kep humti kin nibon midut nibiyai ningon kwes kin Allahti rin ba, yahati tut midyai nikuk no bak tuhan ei Nide Ig ba, iba doia bikon tuhan ninyeng ba, ipai sigyo bak Noni cem ei mpia ttou nsi poi ei Nide Ig.

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

MAZMUR 71:23

Diba dingon di llei bibor bimbos-hi-mbos bidibipai doia nibikon anyeng. Diba dingut kin dinnei bipai doia bidingon llei lewo ateu da bidingwes ngun tu.

MAZMUR 95:2

Jikwei ba, yahagom igya ei Noho bei bipai sigyo biNoni ba, iba doia di llei bibor binggei sut Noni.

NINDAT KEP TUHAN NICUKTI NYA 12:12

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jingon llei sut yam ei minu ttou nsi gom dima ei tuhan di nok jide Allah Noho bei. Lene ma jiyok ngon kep bipia yo di intun Lewi him nya ima ide dihyei hanjop nsi hi mem yonti bi.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 16:14

Ma jingon nggei-hi-nggei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya.

NINDAT KEP TUHAN NICUKTI NYA 28:47

Jide tuhan Allah ba nisinati hagom binjei mun di kei bak jeni tu. Noro jiba jingon di llei kin jingon di nggei-hi-nggei bigikuk je bak Noni bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”