MAZMUR 10:5 - ALLAH NIHYET MEM TUNGWATU NYA

⁵ No di sibut nggok minggok ba, ningat mang ntun nide midyai nya him. Noni kan tut tuhan nicukti nya ba, ningon huk niti tut cem bi. Ningwes om kep nide siceu di iba nitok binoni yahagom.

MAZMUR 10:5 ပူးပေါင်းရင်းမြစ်များ

NITRITI 6:12

Lene Allah ngig niyai kep dihyeisi dini bingat lo, dihyeisi mpung tut mun di kinei lewo tungwatu nya yahagom ibon munti nya kinei bibor.

SAMUEL GI NICAN 5:6

Mpe di gom bu lene Daud ya tut yo di igya kui noni bimbut mem gima ihwen mben Yerusalem. Noro timiei minu dima di mben Yebus ikan bipia bit bon Daud sindem mem gima bindei timek minu dima kan bi. Gima rino ipai binoni “Asindem mem gima ahwen nye leu ba, acoi kwei ei minu dini bi sren. Yo di igyai tu kin yo di las hwen yok nya isindem mem gima ihwen je bijingwig.”

NIBOU NDIG NYA GI NIGOM 20:13

Tirigi siceu itin ei mem ihwen Samaria lene nabi gom ug ngat Nibou Ndig Ahab bipai bak “tuhan pai ‘Angat tentara di imang bibor dima e? Njap di ammani midibindei ba, abindei timek yoni yahagom. Mijo nibreisi mem na bipia Dani ne tuhan ri.’ ”

AYUB 24:23

Mbro nok gino Allah sindui sut ba, no di sibut bong kei gwam kei lo, Noni ngig niyai kep yok bijo kikau.

MAZMUR 12:5

“Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”

MAZMUR 73:3

Lewo dibou dut tut yo di ingon jei nya tirigi dingat bou diyai him bipia yo di isibut nya ibong kei igwam kei.

NIPINGOK NINGONTI 1:19

Ninggimang kep mun cig nya mitug midut drek dip igyai kepti di sibut dima.

NIPINGOK NINGONTI 15:24

Yo di ingon ki nya ico kak puig di kui ndam niyaijo ba, imbres yo leu puig di juk ndam minu nimai nya ide.

NIPINGOK NINGONTI 2:13

Yo dima ikou sut igyai munti di kei nya bikak puig nidinditi di mpung tut sisar ba,

NIPINGOK NINGONTI 2:15

iris mun ei tungwatu nyati cem. Bit bon nyeni iba ingon com yok kan bi.

NIPINGOK NINGONTI 24:1

Ma angon kinei sut yo di isibut nya au. Ma ahig asut bit yok au.

YESAYA 10:1

Buhun bibor mem je di jitri tut niggai serti di igbit bi nya mem gima jibico kep Ditde limwa nya.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 28:15

Jingon jei sut jenti drek dip gi jikwam minggwen bit nimai ba, jeni kin minu nimai nya ide jipreu kep yam tu e? Jiba jingon com bipia tirigi mun di buhun kwei lene mikriau je lewo jikan bipia jide niris ei tungwatu nyati rinok mpia di jinang coi e?

YESAYA 42:25

Gima rino Noni kes nigga biborti ei nyeni dip apino itug ndei niwei kin nidut ei pran dicut igkep nyeti. tuhan de nigga biborti noyam kin hum di cig-cai bidem minu Israel nisurti-nipekti. Noro nyeni ingon gidorti tut mun di cut igkep nye nya di bipingok ingonti bi.

YESAYA 5:12

Nggong mbrei kin gitar kin mun di jimpig-mpig nyen kin porei nibimbiti tibim ba, ba anggur ngei pu je ei pestati lo, jiba jiyai ngat Allah de midyai kin mun di bon nya.

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

HOSEA 9:9

Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.

ROMA 3:16

ibindei ba, tungwatu nya iba nitok biyam lene ingon buhun bibor binggi imbutti nya,

NIJAM NIKEI NYA 9:27

Lene yahagom yuug puk ba anggur ngat ei ba anggur nghousi nya lene ibipot ba anggur ngei cem mem idut ba, ibibon pesta. Yoni igyem njita bidut ba anggur ngei cem ei mpia di ikuk yok bak ide kwar nya eisi ba, jei bi lene imbriom Abimelekh.

NIJAM NIKEI NYA 9:38

Lene Zebul pai bak Gaal “Yo, nogindini ne arai po pri tut nanti pima ritou i? Nipou pini lene apai ikuk nye bak Abimelekh mem mindei i? Yo di angat dima ne yo di ahyet kinei sut yok pima ri. Yo, nogindini ne asu na ba, ahwen yok.”