MAZMUR 10:17 - ALLAH NIHYET MEM TUNGWATU NYA

¹⁷ tuhan e, ningat ne amiap kep yo di ibon inyeng bi nya ide nadi leu api abiwin kep ingonti.

MAZMUR 10:17 ပူးပေါင်းရင်းမြစ်များ

NIBOHON MBEN ISRAEL GI NIGOM 29:18

tuhan Allah di didigup bat-didigai bat di Abraham kin Ishak kin Yakub yoni ikuk yok bak e, ma anyohou Ade limwa nya leu binhyepo ingon ngakei Nani kikau noyam kin ide ningon ngakei Nati mem njap di ammani. Ampu yok leu binhyepo ingon gom tut Nani bijo ninno bijo kikau.

NIBOHON MBEN ISRAEL GI NICAN 29:36

Leu api Nibou Ndig Hizkia kin limwa nya yahagom ingon nggei-hi-nggei lewo Allah mpu yok hak ba, ibon mun dini yok hagom ei nituti di jei bi.

NIBOHON MBEN ISRAEL GI NICAN 30:12

Nok gima cem Allah pingok ei timiei Yehuda nya ingonti bibindei ba, yahagom ingon gom tut gi ibit Allah ningon kanti mungkun kei tug hon gi ibit nibou ndig kin yo di igya kui noni icuk yokti dima.

NIBOHON MBEN ISRAEL GI NICAN 34:27

anso nanti tut leu api aboom nanti tut ei Doho bei. Ditin ei mem gima dihwen minu ndig Yerusalem bidikes hukum ei dip. Noro tirigi amiap tut dihyet dima rino apim ba, arik sinsun di ajuk ser angkek dip cem nok bindo tut angon di ngguk. Dimiap kep ade nadi tu ba,

MAZMUR 102:17

tirigi Noni win Sion hanyen bu bindo ninyeng di jei brei biyok.

MAZMUR 145:19

Noni miyai mun di indwau sut nya bak yo di inggei sut Noni. Noni ngig nitingou mem ighyet tirigi yahara Noni apino Noni teu yok bingwes ngun.

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

MAZMUR 37:4

Ma jinggok tut jingon di llei ndam tuhan leu api Noni miyai mun di jiyok jingon mem bije.

MAZMUR 9:12

Jikwei ba, inggei sut tuhan di ninyeng tak kep limwa nya ei Sion! Jipui sut nibon munti nya bak ngkiai nya yahagom!

MAZMUR 9:18

Minu nimai nya ide ne nipekti mem yo di isibut nya kin ngkiai nya di ikou sut Allah ri.

NIPINGOK NINGONTI 10:24

Yo di ingon sren itug ndei mun di ingat ingwes eisi lene yo di isibut itug ndei mun di ittin tut bibor.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 16:1

Tungwatu dihyeisi dini ikos dat ingon kanti nya noro Allah kos tut mun nyeng hagom bit leu Nonti ningon kanti.

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

ROMA 8:26

Nok gima cem Allah Ninnei kwei mpu nye lewo isindem bi ba, ikan tut nisinati mem gima ingat nadi tindei mun nyeng hi bi. Mpe dima lene Allah Ninnei Nonti kwei ya hacan mem nye ei Allah Noho bei lene ba nahamuisi di imiap bi bingat nadi mem nye.

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 3:12

Nogindini iba ingon di nddong bibrim ingkek kep Allah ug ei Nonti Noho bei drek dip gi inok gom kin Kristus lene iba ingon com Noni.

YAKOBUS 4:10

Suar jiba jibou coi mem Allah leu api Noni mikon jinyeng.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

PETRUS GI NIGOM 3:12

Lewo Allah nyohou yo di ibit ningon kanti bingig nitingou mem ide nadi. Noro Noni tte tut yo di isibut di ibon mun di mbuk nya.”

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”