MAZMUR 10:14 - ALLAH NIHYET MEM TUNGWATU NYA

¹⁴ Noro ningat ne Nani angat gima tu ba, angig ayai kep niduhug-duhug nyenti kin niweisi. Ba, atin ei kikau mem gima ampu yok. Yo di isindem bi nya ikes yonti ei anda nsi. Ampu kep yo di yuhui mbum nya kikau kwei bipek ammani kep tu.

MAZMUR 10:14 ပူးပေါင်းရင်းမြစ်များ

NITRITI 21:17

Lene Allah miap Hagar nipmot Ismael di pim leu api malaikati Allah de nihyet tibim kwei leu mpia-bbed him bipai Hagar e, Hagar e, apim tut nggon i? Ma attin bu au lewo Allah miap apmot nihyet tu.

NITRITI 31:12

Lene noni binut bu ‘Dani ridibindei dino kambir nikre di niba nimmun bikos nya kin gi nillikti nya ipri gau niwek nya. Dipai bina nok lewo dingat mun di Laban bon tunggwei sut na bou diyai him tu.

SAMUEL GI NICAN 16:12

Mpaba tuhan mingig niyai kep mun di buhun di cut igkep da dini leu api miyai gi kei bida biluei nide nimbriom dati dima e?”

NIBOHON MBEN ISRAEL GI NICAN 6:23

lene tuhan ei gwamti e, handei kon ba, angig atingou mem nyeni nihyet leu api akos tut munhyet dini nok igbit. Ma akes hukum ei gi hi di ningon mui dip dem igbit nide mun di yai tunggwei lene ma asindui sut gi hi di ningon ngun bimbut hak.

MAZMUR 146:9

Noni nyohou mben ngkiai di ibong timiei bit nye nya bimpu kibom nya kin moibihi nya noro bindei ba, yo di isibut nya ingon kanti kin ide nikos tutti nya pek kep bi.

MAZMUR 22:11

Diyaijoti no jo nyahan ei anda bia bei bidikuk da biNa cem habiei dimien kikau kwei bipek ammani kep.

MAZMUR 31:8

Dingon nggei-hi-nggei ba, dillei ngwig sut Nani lewo angon ngakei dati ug hon nohonti bi sren. Angat ditde ninghuisi weisi ba, ayok ngon kep mun di buhun di cut igkep da cem.

MAZMUR 35:22

Noro Na di tuhan angat mun dima yok hagom tu. tuhan e, ma aba aji di buhun bikimut ahui ba, agwam ting leu dani au.

MAZMUR 55:22

Ba nihyet di mmau bihwen ingon noro ningat ne ningon mpo bibor. Ba nihyet di nem-nnai kei cem bihwen ingon noro gima noyam kin singau simeda di nggwen-gwau di digo yok.

MAZMUR 68:5

Ma jipai doia bak Allah bijikon ninyeng cem. Jitin simpak mem No di krau bumbuhui bidor tut. Ninyeng rino tuhan. Ma jiyai nillei ei Noho bei!

MAZMUR 68:6

Allah di gwam ei Nide Ig di kwes-kwau ne munggwom awak nya icig rin biya srak ko hagau sop kibom nya.

NEHEI LEUSI 2:25

Noni ngat bou niyai him bipia mben Mesir iba imbuk co kep mben Israel. Gima rino kos tut bipia mimpu yok.

NEHEI LEUSI 22:22

Ma jiba jingon can bibon kibom nya kin moibihi nya au.

NEHEI LEUSI 22:26

Gino tungwagom kes nide sinsun ndok di jei ei jindati nok bitak kep je tut mitiei ngwam jide lene ma suar jitug sinsun dima hanyen binoni nipou tirigi mpia kimbas bigyo.

NIPINGOK NINGONTI 15:25

tuhan mibindei sar yo di illei-lau nya ide ig noro Noni miya srak ko hagau kibom nya ide dihyei ninda rom.

NIPINGOK NINGONTI 15:3

Mun di pek kep bidem mpia ttou nsi hagom jo nibreisi bou tuhan niyai him. Noni yok ngon kep niyai munti di kei kin gi kinei nya hagom.

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YEREMIA 16:17

Dingat mun nyeng hagom di ibon nya bou diyai him. Hi di jo nding leu Da bi. Dingat ide sisar nya tu.

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

YEREMIA 49:11

Je di mben Edom e, ma jikes jide moibihi nya biDa leu api midinyohou yok. Ma jisindui sut ba, kibom jide nya cem iba ingon com Da.

YEREMIA 51:56

Ikwei mem gima inggek minu Babel ba, ikat tentara nide nya leu api ibidahat minggwen di ide nya. Da di tuhan di dikes hukum ei yo di ibon mun di kinei nya dip bidibuhup bak minu Babel bit leu nibon munti nya.

NIBWOS-BWOS NYENTI 3:59

tuhan e, ma akwam munhyet gau da lewo angat siceu nya di ibon mun kinei tut da.

NIBWOS-BWOS NYENTI 3:60

Ingon sibui sut da ba, igyok ingon gom mem da tu.

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

HOSEA 14:4

Bit bon tentara Asyur iteu nye biningwes ngun kan bi. Bit bon kuda pran cem mpu nye kan bi. Nipai bak kwar di nibon bou ninda him nya bipia inok nyende Allah rin bu bi sren. Na di tuhan e, angondut yo dino tungwatu hiter impu yok bi nya.”

YOEL 3:4

Je di mben Tirus kin Sidon kin Filistin jahagom e, jinggon ndei Da i? Jiba jimbuk birop biDa e? Gino jiyai nok gima ne ma jitug ndei mun di dibirop hanyen bije haninyai!

HABAKUK 1:13

Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

NINDAT KEP TUHAN NICUKTI NYA 10:18

Noni hati tut moibihi nya kin sop kibom nya bibindei ba, tungwatu nya ibibon yok nok igbit. Ningon ngakei ngkiai nya di ibong srig jikieti bikwas njita kin sinsun tut yok.

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

PETRUS GI NIGOM 4:19

Gima rino gino yo di ingon jo kep nya igyai ninghuisi wei bit leu Allah ningon kanti mem yok lene ma ikuk yonti bak Noni tug hon igyai munti di kei bibor nya lewo Noni ne ide Nipai Tes Mun Cig di ningon prion ser Nide nipreu ei mem yokti bi sren ri.

PETRUS GI NIGOM 5:7

Ma jikes mun di jingon bos-bos nyen tut hagom ei Allah ninghat dip lewo Noni nyohou je.

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.