MAZMUR 1:6 - ALLAH NIHYET MEM TUNGWATU NYA

⁶ Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

MAZMUR 1:6 ပူးပေါင်းရင်းမြစ်များ

AYUB 23:10

Mbro nok gima lo, Noni kan tut dimbutti kin dicoti nya hagom. Gino Noni bingon da dem kep nok tukan di ikinding mas pimbai kei lene mijo nibreisi bipia dingon kwes kei.

MAZMUR 112:10

Yo di isibut nya ingat gima yok lene ingon sibui sut. Yaham yuhui mem drek dip ba, ingon kinei sut noni. Noro yoni misar ba, iba ingon comti cem sar bihigom.

MAZMUR 142:3

Dinso-nso nyen ei Noho bei bidipai sut mun di buhun tak da hagom bak.

MAZMUR 142:4

Mpe di dingon ngkwei leu lene Nani abie tut da ba, anyohou da kak dimbutti. Siceu nya iba niku bindin bon ser puig di dimbut kak tu.

MAZMUR 146:9

Noni nyohou mben ngkiai di ibong timiei bit nye nya bimpu kibom nya kin moibihi nya noro bindei ba, yo di isibut nya ingon kanti kin ide nikos tutti nya pek kep bi.

MAZMUR 9:6

Akes hukum ei ngkiai nya dip ba, abindei sar yo di isibut igkei nya cem tu. Ba, tungwatu nya ibbwe ser yok bihigom hak.

NIPINGOK NINGONTI 14:12

Puig di tungwatu nya ingat ba, ikan bigya puig dima ne pui di sren kei rin lo, puig dima ne pui di ug ei nimai nya ikieti ri.

NIPINGOK NINGONTI 15:9

tuhan ningon mpo tut yo di yaham imbuk kep Noni igyai munti nya noro ningon ngakei yo di ibrim ingkek mem gima igyai igbit ningon kanti.

NAHUM 1:7

tuhan ningon nggriu ba, nyohou Nide limwa nya ei mpe di igwam coi Noni drek dip ide ningon buhunti ba, Noni ya ser yok.

MATIUS 7:13

“Ma jicoi kak dimbou hui di kom lewo dimbou hui di bie ug ei hum njengti nyan bibor ba, puig dima sur yam kei apino tungwatu nya imang bibor icoi kak dimbou hui dima.

YOHANES 10:14

Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

YOHANES 10:27

Ditde domba nya imiap dihyet. Dingat igbit yok lene ibit Da.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

PETRUS GI NICAN 2:12

Mbenjen! Guru dima yok inok mindhe-ndhe di niten-pos nya di tungwatu nya yuhuk bibui nok mikwau. Ikan-kan nyen kan bi ba, irom ighyet kui mun nyeng hagom di ingon dorti tut bi. Yoni mitug ndei nimai noyam kin mindhe-ndhe di tungwatu nya ipijuk kan bi di ibui hak.

SAMUEL GI NIGOM 2:9

Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.