MAZMUR 1:3 - ALLAH NIHYET MEM TUNGWATU NYA

³ No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

MAZMUR 1:3 ပူးပေါင်းရင်းမြစ်များ

NITRITI 39:23

Apino nibou ig bui ningon ku no tut mun di noni ba ningon com Yusuf tut bu bi lewo tuhan nyohou Yusuf bibindei ba, nide midyai nya hagom ngat ningat di kei bibor.

NITRITI 39:3

Ba, niceu ngat bipia tuhan nyohou Yusuf bibindei ba, nide midyai nya hagom ngat ningat di kei bibor.

NIBOU NDIG NYA GI NICAN 18:7

Gima rino tuhan mpu no kikau apino noni ngat ningat di kei bidem nide midyai di yai nya hagom. Hizkia kiek nimig jou tut nibou ndig mem mben Asyur ba, kou sut gima kon ninyeng cem.

NIBOHON MBEN ISRAEL GI NIGOM 22:11

Lene Daud pai bu “Dipmot na e, nogindini handei kon ba, ade tuhan Allah mimpu na. Handei kon ba, angot ig mem Noni bipek kep nok Noni preu ei mem nye tu.

NIBOHON MBEN ISRAEL GI NIGOM 22:13

Gino abit tuhan nikos tutti nya hagom po yai bak Musa mem mben Israel pima lene mporo ma angat ningat di kei di ntun him. Suar angon ngkiem ba, abrim angkek cem. Lene ma angon nghen ba, adigit tut mun nyeng hi di aum kep nya au.

NIBOHON MBEN ISRAEL GI NICAN 31:21

Ningat di kei ntun him mun di Nibou Ndig Hizkia bon nya hagom. Lewo ba ningon di gom kin ningon di ngakei nide tuhan Allah bibindei mbut midyai ei tuhan De Ig bibit tuhan niggai serti nya cem.

NIBOHON MBEN ISRAEL GI NICAN 32:23

Tungwatu nya imang bibor ittei mun di ikwas tut tuhan kwei ei minu ndig Yerusalem. Nok gima cem injei mun di kei nya bak Hizkia. Hon kep gima kwei lene mben nya yahagom ibou cut bak.

AYUB 14:9

gino iba minyei biprok lene nipras mipras hanyen noyam kin njita kioi.

AYUB 22:28

Ningat mang bibor mintun him ade midyai di abrim angkek tut nya kikau ba, nipigati mipiga digai ambutti nya hagom.

MAZMUR 128:2

Ma ayem njita leu ade midyai di ayai nya ba, mun nyeng hagom midem mem na lene abong kei agwam kei cem.

MAZMUR 129:8

Yo di injiriek mpia dima mipigo je “Ma tuhan njei mun di kei bije, nyeni ningat nadi tindei mun di kei bak jeni cem” e? Yoni mipigo jeni nok gima bi.

MAZMUR 92:14

Inoyam kin biei di ita ei tuhan De Ig ba, idigek ei ide Allah nidim ba,

MAZMUR 92:15

igyati mahan kei ba, ingat ningat kikau ba, nimeng nggrou ba, ngun-ngau cem.

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.

YESAYA 3:10

tuhan pai “Apai bak yo di ibit dihyet bipia yoni mingon nggei-hi-nggei ba, ibong kei igwam kei lene yahanggwap mbilen mikuisi bi lewo migyem kep ningat di ntun him.

YESAYA 44:4

Yoni miyehei nok minta di nnum kei di hei igbit ninnumti kin biei gandarusa di hei ei mam bei cem.

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

YEREMIA 17:8

Noni dem kep nok biei ndig di hei simin minyei pmem di biam ba, nigau huk kikau ug bipek kin minyei ngeisi. Noni ttin tut ngei-ndung bi. Nimeng ngun-ngau bijo kikau. Mbro nok gino ngei-ndung tot nide minu bibindei ba, hagom mui bingwig lo, ningon giku no tut bi lewo ngat ningat bijo kikau.

YEHEZKIEL 17:8

Lo, ha krubri gi nipou pima ta biei anggur dima ei dihyei di nnum kei di bon minyei yaisi mangti tu. Apino ba anggur nimeng nggrou ba, ningat hun tut biwer ba anggur di kei cem.

YEHEZKIEL 19:10

Apmem dem kep ba anggur di nnum kei di hei ei biei anggur nghousi dideu minyei pmot. Noni hei binimeng nggrou bingat ningat mang bibor lewo mpia dima bon minyei nok gi dem.

YEHEZKIEL 31:5

Minyei di pingge leu bi dima bindei ba, buom dima hei kin gi nnum ba, ninda nindig ngat ba, jei cem. Noni rino jei ndig bibor bidor njiriek biei bigbehei nya hagom.

YEHEZKIEL 47:12

Bikwop biei nyeng di ngat ningat nya hagom hei ei mam bei cin di ug ninno dima. Biei dima nimeng mimbriong bi sren. Ningat nya mintun him bijo ninno bijo kikau. Ningat di nijep mintun biei dima him bikwop bed tug hon minyei di yai ningei bak bibiam kwei leu tuhan De Ig a. Ningat nya nok njita mem tungwatu nya ba, indung nimeng binok obat.”

MBEN ISRAEL IMBUT-MBUT NYEN 24:6

Lewo jide prak meng nya dem kep nok dui njem nya di bon nipuig sren kin njita kioi di jo simiak minyei nyai kin biei gaharu di tuhan Nonti ta kin buom njem di hei simiak minyeisi.

MATIUS 13:6

Mpe dino mpia ngket lene nikioi mbris lewo com nigau ei dihyei jou bi ba, jei bi leu api mui bingwig.

MATIUS 21:19

bicap biei ara ninjem gom di jo ei simpak ninghas buug ngat lo, nimeng nggrou noro ningat ntun him bi. Gima rino Noni mbriom biei dima bipai “Hon kep ammani kui ne ma angat angat bu bi sren.” Hammi tirigi pai bak nok rino biei ara mui hak ug.

MATIUS 21:34

Tirigi nijam nipuk ba anggur ningatti dem lene noni cuk nide awak nya ibou poi bingkwei hanyen ba, igyai ningat leu yo di inyohou ba anggur nghousi bitug ndei imuhup.

MATIUS 21:41

Yoni ibuhup “Noni miyai nimai bak yo di isibut dima yahagom leu api ndo ba anggur nghousi dima bak yo di hiter di inyohou ba anggur nghousi. Ba, yoni ijoi sut gima igyai ningat hanyen binoni igbit tto bou.”

YOHANES 15:6

No di nyohou miai ba anggur nghousi misriot no di com nigau ninghig-niker ei Dati bi noyam kin gi noni sriot biei nda leu apino mui. Noni mimbus ninda dima hagom keyam bindig kep huma.

NINDAT KEP TUHAN NICUKTI NYA 28:8

Jide tuhan Allah minjei mun di kei bak jeni tug hon jide midyai di jibrim jingkek tut nya lene mibindei ba, jide gudan mpung tut gandum cem. Noni miyai gi kei bije ei minu di Noni yai bije.

YUDAS 1:12

Tirigi jiyem njita bit yam lene yo dini isrig jikieti bibindei mmai jahagom cem iduhwen njita hak yon ba, ingon hek tut yonti njem he. Inok bumbuhui di hou miep-miep nyen lo, but kan bi. Inok biei di ngat ningat hi bi mem nijam di biei nya ngat ningat. Inok biei mon di tungwatu nya iprim tut nigau di mui bihigom cem.

NINGAT-HI-NGAT NYA 22:2

bibiam kak simpak ninggimau ei minu ndig dima. Biei di biyai niyaijo cem hei ei minyei dima nite hi nite hi ba, ngat ningat bikwop beda. Nok ari bingwam nitindur gom lene biei dima ngat ningat mbisimnaibrimigcan ba, nimeng cem nok obat mem tungwatu dihyeisi dini hagom.