MATIUS 9:18 - ALLAH NIHYET MEM TUNGWATU NYA

¹⁸ Tirigi Yesus tri tut nihyet bak yo di igya kui Yohanes bingwig bigyo lene nibou mbusyamei Yahudi gom tau kwei. Noni ba nibiau bicom mpia ei Yesus Noho bei bahara “Dipmisop sindi ninnei kimbas aponi tu. Ma akwei kes anda ei noni dip leu binhyepo niyaijo hanyen bu.”

MATIUS 9:18 ပူးပေါင်းရင်းမြစ်များ

NIBOU NDIG NYA GI NICAN 5:11

Tirigi Naaman miap nihyet rino ningon sibui sut Elisa nindig bibor bipai “Dikan bigya nonti mikwei ya um da lene mingat nadi bak nide tuhan Allah leu api su ninda gau dingkek dip di bras yem dini bibindei ba, diyai dingkek ngun eisi hanyen hak ug!

MATIUS 14:33

Gima rino yo di igya kui Yesus di igwam ei ut nsi dima ikuk yok ei nimig him binggei sut bipai “Ningat ne Nani ne Allah Nipmot ri!”

MATIUS 15:25

Sindig dima kuk no nyahan ei Yesus nimig him bahara Noni “Andigpoi e, ma ampu da o!”

MATIUS 17:14

Mpe dino Yesus nya ikwei ttau kep tungwatu ningot ndig lene tungwagom kwei ba nibiau bicom mpia ei Yesus nimig him,

MATIUS 20:20

Lene Zebedeus nitnem buwak nipmot bat cin ug ei Yesus Noho bei lene ba nibiau bicom mpia bahara Yesus tut mun nyeng gom.

MATIUS 28:17

Tirigi ingat Noni lene ikuk yok ei nimig him binggei sut noro ibou poi ingon kiowi tut.

MATIUS 8:2

Mpe dima lene no di bras yem no kwei ba nibiau bicom mpia ei Yesus nimig him bahara “Andigpoi e, gino ajoi sut ne akrau nisindemti mem gima abindei bidikei hanyen hak ug.”

MATIUS 8:25

Leu api yo di ibit Yesus yuug win Noni ba, yahara “Andigpoi e, ampu nye leu isar minyei ug ri!”

MATIUS 9:17

Nok gima cem tungwatu nya yuhug ba anggur ngei di nijep ei aigmui mindhe ngkek timieiti bi. Leu gi nok lene mbigom ba anggur ngei mikiak leu api aigmui mindhe ngkek mikimbo bikinei sut ba anggur ngei bikiber bingwig ug ri. Aigmui mindhe ngkek dima cem kinei. Noro suar yuhug ba anggur ngei di nijep ei aigmui mindhe ngkek nijepti leu binhyepo kiber bingwig bi.”

MATIUS 9:19

Gima rino Yesus kiju bibit noni ba, yo di igya kui Yesus cem ibram.

MATIUS 9:24

lene cuk yok “Jahagom jehei leu! Misop dini mai bihigom bi noro bong mai he yo.” Lene yo dima yahagom insrik ser nihyet.

LUKAS 13:14

Nibou mbusyamei ningon sibui sut Yesus di bindei ba, sop dima kei hanyen mem Njap Nigwam Kep Ninghuisi. Gima rino noni pai bak yo di idem yam ei dima “Nyeni igyai kikep ide midyai nya mem las gom kikau ug bipek las muhwindagom. Gima rino ma jikwei yai gi kei hanyen mem njap ngot dima noro ma jikwei yai gi kei hanyen mem Njap Nigwam Kep Ninghuisi au!”

LUKAS 18:18

Nibou mben Yahudi gom kwei ngat Yesus bihig ser Noni “Guru di kei e, dibon mun di notou leu binhyepo ditug ndei niyaijo nijep di jo kikau i?”

LUKAS 7:2

Nibou tentara Roma ningat rin ei sirima. Noni bon nide awak di noni joi sut bibor di nggwen nindig bibor ba, ningon tai-tai bou su.

YOHANES 11:25

Yesus pai binoni “Diwin yo di imai nya leu imai eisi bidiyai niyaijo nijep biyok. Mbro nok gino hi mai su lo, gino ba ningon com Da tu lene miyai niyaijo nijep di jo kikau.

YOHANES 11:32

Maria ug kikau buug krau mpia di Yesus gwam eisi. Tirigi noni ngat Yesus lene kuk no ei nimig him bipai bak “Andigpoi e, ningat ne gino agwam bit nye acan pini ne dikijam mai bi.”

KISAH 13:15

Niabiati nibou mbusyamei gom kwop ayat leu Puig Yahudi nicukti nya kin srat nabi nya ide cem tu lene nibou nya icuk hi bihig ser Paulus nya bipai “Nisut bat jen, gino jikwei sut nihyet di biwin kep tungwatu ingonti lene ma jitri tut nihyet dima binye hak ug.”

KISAH 28:8

Mpe dima lene Publius nicig ningkek dut ba, oi sut ninggrom cem. Gima rino Paulus ug ngat noni bingat nadi kep. Paulus kes ninda ei noni dip apino noni kei hanyen.