MATIUS 9:15 - ALLAH NIHYET MEM TUNGWATU NYA

¹⁵ Yesus buhup “Jikan bipia yo di induk yam kwei mem pesta niwak yamti ingon buhun tirigi pinai di wak nitnem ningat rin bit yok e? Nok bi! Noro ei nidipti bu tirigi pinai dima ningat rin bit yok bi lene yoni migyem njita bi mem nituti poi.

MATIUS 9:15 ပူးပေါင်းရင်းမြစ်များ

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

MATIUS 9:14

Mpe di gom bu ne yo di igya kui Yohanes di tur tungwatu nya ei minyeiti ikwei hig simber Yesus “Nggon rino nyeni kin Farisi nya niyem njita bi mem nituti poi noro yo di igya kui Nani igyem njita bi mem nituti poi bi i?”

MATIUS 9:16

Tungwatu nya iba sinsun nghas di nijep-jau binap kep ser sinsun timiei nirikti bi. Leu mbigom sinsun nghas di nijep-jau bindei ba, sinsun timiei rik bibor bu ri.

MARKUS 2:19

Yesus buhup “Tirigi igyem njita pesta niwak yamti lene yo di igwam tut no di pinai igyem njita bi tirigi noni ningat rin bit yok e? Nok bi. Gino no di pinai ningat rin bit yok lene igyem njita bi mem nituti poi kan bi.

MARKUS 2:20

Noro ei nidipti bu tirigi yo di hiter ikwei buwak no di pinai bimbut tut leu yok leu api igyem njita bi mem nituti poi.

LUKAS 17:22

Ariman bu lene Noni pai bak yo di igya kui Noni “Ei nidipti bu mijiyok jingon mem gima jingat Munggwom Tungwatu Nipmot ningat bou jiyai him mem njap gom ngat he noro njap dima mittau kep je hanyen bi.

LUKAS 5:34

Yesus buhup “Apo dem mem gima jicuk yo di idem yam ei pesta niwak yamti dini bigyem njita bi mem nituti poi tirigi no di wak nitnem ningat rin bit yok e?

LUKAS 5:35

Noro ei nidipti bu tirigi yo di hiter ikwei kat no di pinai dima bimbut tut leu yok leu api igyem njita bi mem nituti poi.”

YOHANES 16:6

Ningat ne jingon ngguk bibor nogindini lewo ditri tut mun dima bije.

YOHANES 3:29

Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KORINTUS GI NIGOM 7:5

Ma jicuon jenti leu yam tut gima jiyem njita tut yam au. Gino jice tut yam nipou ug e leu binhyepo juhuk nadi mem nituti poi lene nok. Gino juhuk nadi biput tu lene ma jikinyon ei niyem njita tut yamti hanyen. Tug hon nisinati dima lene jibindei bijimbres jenti leu Bilis nibingon jeti lewo joom kep jingut kanti nya kan bi.

KORINTUS GI NICAN 11:27

Diyai midyai sindem bidicom dahanggwap tut cem diyai kep midyai kikau mmun jei cem dinggum bibor cem dinggobiau cem hi kwas njita tut da bi cem. Dimai didigok lewo sinsun dem mem da bi cem hi cigit da kui ig bi cem.

NINGAT-HI-NGAT NYA 19:9

Lo bi lene malaikati dima cuk da “Ma apas kep srat nok gini ‘Yo dino Allah hig yok kwei mem ibon pesta bit Domba Pmot niwak nitnemti ne ingon nggei-hi-nggei.’ ” Lene binut nihyet gom kin bu bipai “Nihyet dini nijit-jau rin ba, tibim leu Allah nuhui him.”

NINGAT-HI-NGAT NYA 21:2

Lene dingat lo, minu di kwes-kwau di minu ndig Yerusalem nijep srek kwei leu Allah ei gwamti. Allah tin ei minu ndig dima dem kep sop di juk sinsun di tiei kei bitin ei mem gima wak nijep.