MATIUS 9:11 - ALLAH NIHYET MEM TUNGWATU NYA

¹¹ Farisi nya ingat yo dima leu api ihig ser yo di igya kui Yesus “Nggon rino jide guru yem njita bit yo di igya tindei belasten di igyem tungwatu nya imuhup kin yo di ibon sisar nindigsi nya i?”

MATIUS 9:11 ပူးပေါင်းရင်းမြစ်များ

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

MATIUS 5:46

Leu gino jingon ngakei yo di ingon ngakei je he lene mijitug ndei nibiropti di notou leu Allah i? Lewo yo di igya tindei belasten bigyem jimuhup cem igyai nok gima.

MATIUS 9:10

Tirigi Yesus yem njita bit Matius ei nide ig lene yo di igya tindei belasten di igyem tungwatu nya imuhup kin nikinei-kinau nindigsi nya imang bibor induk yam kwei ba, igwam bit Yesus kin yo di igya kui Noni.

MARKUS 2:16

Tirigi guru Puig Yahudi nicukti nya di inggre kin nimpung Farisi nya ingat lo, Yesus yem njita bit yo di igya tindei belasten di igyem tungwatu nya imuhup kin yo di map kui yokti nya lene ihig ser yo di igya kui Noni “Nggon rino jide guru yem njita bit nikinei-kinau dima yok i?”

LUKAS 19:7

Tirigi nindigsi ingat gima tu lene yahagom inso tut bipai “Mei! Yesus ug bong bit no di kinei-kinau!”

LUKAS 5:30

Lene Farisi nya kin guru Puig Yahudi nicukti nya ibou poi inso tut yo di igya kui Yesus bihig ser yok “Nggon rino jiyem njita bit yo di igya tindei belasten di igyem tungwatu nya imuhup kin nikinei-kinau nindigsi nya i?”

KISAH 11:3

Ipai binoni “Nggon rino aug bong bit yo di igyai midut sunat bi dima ba, ayem njita bit yok i?”

GALATIA 2:15

Mbro nok gino nyeni ne mben Yahudi bibit leu ide nisrekti rin ba, intun him “ngkiai di ibon kikep sisar nya” bi lo,

IBRANI 5:2

Imam Nibou Ndig dima ne tungwatu dihyeisi dini he ri. Gima rino ba ningon di nggriu bibon yo di igyai mun tunggwei nya drek dip ingon di mbum.

YOHANES GI NICAN 1:10

Gima rino gino no di krau kep Kristus nipingok nyeti bi kwei cem kep je lene ma jicigit noni kui ig bijipigo noni au.