MATIUS 8:8 - ALLAH NIHYET MEM TUNGWATU NYA

⁸ Noro nibou tentara tte tut bipai “Nok bi. Dani ne dem mem gima acoi kwei ei ditde ig bi. Apai hak ei ahui him he apino ditde awak mikei hanyen hak.

MATIUS 8:8 ပူးပေါင်းရင်းမြစ်များ

NITRITI 32:10

Dani ne dem mem gima angondut da ba, angon gom tut da rin bi. Dinok awak mem Nani he. Tirigi po disigon Yordan pima lene dittei ditde tom he. Noro njap di ammani lene dikwei hanyen tut ditde limwa nya nimpung can.

MAZMUR 10:17

tuhan e, ningat ne amiap kep yo di ibon inyeng bi nya ide nadi leu api abiwin kep ingonti.

MAZMUR 107:20

Noni ribindei dino ikei hanyen tug hon Nide nicukti nya biteu yok bingwes ngun leu jui nsi.

MAZMUR 33:9

Noni hap niji bipai tes dihyeisi dini hagom. Tirigi Noni kes nicukti lene nipai testi hagom tau hak ei nibreisi.

MBEN ISRAEL IMBUT-MBUT NYEN 20:8

“Aug yai tom di jiyok ei Brua Gi Preu noho pima kwei leu api Harun jeni jinduk mben Israel yahagom kwei. Lene ma apai bak bor ngug gom di jo dima bou yahagom igyai him leu binhyepo dibindei ba, minyei biam kwei leu ninggreti. Tug hon nisinati dima lene ma abindei ba, minyei mibiam kwei leu bor ngug dima mem tungwatu nya kin mindhe-ndhe nya yahagom idut bindei yok.”

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

MATIUS 3:14

Noro Yohanes tte tut Yesus bipai “Nggon rino ayok ngon mem gima ditur Na ei minyeiti i? Lewo suar Nani atur da ei minyeiti.”

MATIUS 8:3

Lene Yesus su ninda bingget no dima bipai “I, dijoi sut. Ma akei hanyen!” Hammi tirigi pai bak nok rino bras dima llet hak leu noni.

MATIUS 8:7

Lene Yesus buhup “Dwai, miduug bindei ba, noni kei hanyen.”

MATIUS 8:9

Lewo nibou ndig tentara ninyeng tak kep da ba, dani cem dinyeng tak kep ditde limwa nya ba, ikuk yok bida. Gino dicuk hi ‘Aug hak!’ Leu api noni bisau buug hak. Gino dihig hi ‘Akwei!’ Leu api noni bisau bikwei hak. Gino dicuk awak hi ‘Ayai midyai dini!’ Leu api noni bisau biyai hak.”

LUKAS 15:19

Dem tut gima ajem da nok apmot bu bi noro abibon da noyam kin ade awak di yai midyai bibiyai nimuhup he.’

LUKAS 15:21

Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’

LUKAS 5:8

Tirigi Simon ngat mindur dini bou niyai him rino kuk no ei Yesus nimig him bipai biNoni “Andigpoi e, ma akes da hak ei lewo dani ne no di bon sisar ri!”

YOHANES 1:27

Noni ya abia kep da. Dem mem dikwek Nide srop leu nimig jou bi.”