MATIUS 8:3 - ALLAH NIHYET MEM TUNGWATU NYA

³ Lene Yesus su ninda bingget no dima bipai “I, dijoi sut. Ma akei hanyen!” Hammi tirigi pai bak nok rino bras dima llet hak leu noni.

MATIUS 8:3 ပူးပေါင်းရင်းမြစ်များ

NITRITI 1:3

Lene Allah pai “Ma nipigati piga. Leu api nipigati piga.”

NIBOU NDIG NYA GI NICAN 5:11

Tirigi Naaman miap nihyet rino ningon sibui sut Elisa nindig bibor bipai “Dikan bigya nonti mikwei ya um da lene mingat nadi bak nide tuhan Allah leu api su ninda gau dingkek dip di bras yem dini bibindei ba, diyai dingkek ngun eisi hanyen hak ug!

NIBOU NDIG NYA GI NICAN 5:14

Gima rino noni ug ei Yordan nyai bitur nonti eisi mbimuhwindacan bit leu nok Elisa nicuk noti apino yai ningkek ngun eisi hanyen ba, ningkek dia kei dem kep nok munggwom pilei ngkek.

MAZMUR 33:9

Noni hap niji bipai tes dihyeisi dini hagom. Tirigi Noni kes nicukti lene nipai testi hagom tau hak ei nibreisi.

NEHEI LEUSI 4:7

Lene tuhan cuk noni bu bipai “Asu anda hanyen ei ade sinsunti.” Lene noni yai mun bit leu nok tuhan nicuk noti bu. Tirigi noni brim ninda hanyen leu lene ngat lo, kei hanyen tu.

MATIUS 12:13

Lene Yesus pai bak no di ninda mai “Atit anda.” Noni tit ninda di mai leu api ninda kei hanyen dem kep ninda nite hi cem.

MARKUS 1:41

Yesus ngondut noni bisu ninda bingget leu api pai “I, dijoi sut angon kanti dima. Dibindei ba, akei hanyen.”

MARKUS 4:39

Lene Noni kiju biya leu api ggai ser hou di ten bibor kin igpong di roi bibor bipai “Jikes hon ba, jintus hak.” Apino hou di ten bibor ntus hak ba, mpia mbum-bra.

MARKUS 5:41

Noni krau misop ninda bipai binoni “Talita kum.” Nikiek nihyet dimati pai “Dipmisop ndia ug o, dipai bina bipia akiju!”

MARKUS 7:34

Gima ngwig leu lene Yesus tou kep ginyo kuug ba, hi ninnei leu api pai bak no dima “Efata.” Nikiek nihyet dimati pai “Tu tu!”

MARKUS 9:25

Tirigi Yesus ngat lo, tungwatu ningot ndig hi kin bu induk yam kwei binggreu ttai Noni lene cuk ninnei rom dima bipai “Ninnei di bindei niji nggicai kin nitingou nam e, dicuk na bipia ahei bihigom ba, acoi ug ei ningonti bu au!”

LUKAS 4:27

Nok gima cem bras yem mben Israel imang bibor mem nijam di nabi Elisa ningat rin bit yok noro noni bindei ba, hi kei hanyen bi. Noro Naaman di timiei minu Siria gom nongkom kei hanyen.”

LUKAS 5:13

Yesus su ninda bingget noni bipai “Dijoi sut. Ma akei hanyen hak ug!” Hammi tirigi pai bak nok rino bras dima llet hak leu noni.

LUKAS 7:14

Lene Noni dideu lat biya simiak lene ngget. Gima rino yo di ittei lat igya igyati. Yesus pai “He mot de ndia ug o, dicuk na bipia akiju!”

YOHANES 11:43

Yesus pai nok leu lene ba nihyet nindig bihig “Lazarus e, ahei kwei!”

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

YOHANES 5:21

Bit leu nok Nicig win yo di imai nya bibindei ba, igyaijo hanyen lene Nipmot cem bindei ba, tungwatu nya igyai niyaijo hanyen bit leu ningon kanti.