MATIUS 8:26 - ALLAH NIHYET MEM TUNGWATU NYA

²⁶ Yesus buhup “Jidigit tut mindei i? Jiba jingon com Da bi!” Lene Noni kiju biya leu api ggai ser hou di ten bibor kin igpong di roi bibor apino hou ntus hak ba, mpia mbum-bra.

MATIUS 8:26 ပူးပေါင်းရင်းမြစ်များ

MAZMUR 65:7

Ata nungug nya hagom bijo nijoti tug hon Ade nisindemti leu binhyepo ando Ade nisindem biborti brei bak tungwatu nya.

MAZMUR 89:9

tuhan Allah Di Sindem Bibor e, tou risindem noyam kin Nani i? tuhan e, aba angon gomti biyai mun nyeng hagom.

YESAYA 63:12

tuhan po ya tut Musa pima no ritou i? Lewo Noni ba ninda di sindem bibor bitot minyei ngwa dip ei yoho bei bibindei ba, tungwatu nya ikon ninyeng bijo ninno bijo kikau.

NAHUM 1:4

Noni pai bak muk ngei bibindei ba, ningei pingge leu api minyei nya hagom ningei ngwig leu. Nungug Karmel kin ngoi dumti nya ei minu Basan ngak cai ba, mitou ei minu Libanon nya hagom nimeng mbris.

HABAKUK 3:8

tuhan e, muk ngei bindei ba, angon sibui e, he minyei di biam nya bindei ba, agga bibor e, he notou i? Abri ba, agwam bumbuhui dip noyam kin no di bri kuda di brim kroba pran mpe dino abindei ba, Ade limwa nya ihwen siceu nya bibindei timek yok.

MATIUS 16:8

Yesus kan tut mun di isimbot kep biyam dima leu api hig ser yok “Jisimbot kep biyam tut roti di jipwoi kwei bi tut nggon i? Jiba jingon com Da haigtu bi!

MATIUS 17:20

Yesus buhup “Lewo jiba jingon com Da haigtu bi. Ma jiyok ngon kep bipia gino jide niba ningon com Dati dem kep sawi ngan di bigbibor ne dem mem jicuk nungug dini bijipai ‘Ason leu mpia dini ug ei mpia ttou nsi dinu!’ Lene midem igbit jicukti ri. Jiyai mun nyeng hagom di nipou ne bit bon jiyai kan bi nya lene dem! [

MATIUS 6:30

Gino Allah pai tes mitou di kieng ammani leu api njap di hyep bu mui hanyen ba, tungwatu nya indig bingwig ne Noni minyohou jeni cem bi e? Mei! Jiba jingon com Noni haigtu bi e?

MATIUS 8:27

Leu api yo di ibri ut dima bit Noni inggap leu tut nindig bibor bihig ser yam “Tou rin i? Lewo hou kin minyei bit nihyet bintus hak!”

LUKAS 4:35

Yesus pai ser ninnei rom bipai “Akes ahyet ba, ahei leu ningonti hak ug!” Tirigi ninnei rom dahat kukwei noni binjei noni ug ei igjou dip bou yahagom igyai him leu lene ninnei rom dima hei leu ningonti bibindei ba, ninggwenti cut igkep noni bi.

ROMA 4:20

Noni kes nide niba ningon com Allahti ei ba, ningon nggre tut mun di Allah preu ei mem noni bi. Noro nide niba ningon com Allahti bindei kum ei nide nisindemti apino noni nggei sut Allah.

NINGAT-HI-NGAT NYA 10:2

Noni krau srat kijum mien di kieng mingau su ei nindati. Noni ba nimig nite bei ninda com bico kep muk ngwa dip lene ba nimig nite bei ninda prak bico kep mam bei.