MATIUS 8:22 - ALLAH NIHYET MEM TUNGWATU NYA

²² Lene Yesus buhup “Nnaba yo di imai nya mitig ide nimai nya. Noro tut nani ne ma akwei bit Da hak ug.”

MATIUS 8:22 ပူးပေါင်းရင်းမြစ်များ

NIBOU NDIG NYA GI NIGOM 19:20

Elisa kes nide sapi nya ei bidor bram Elia bihig ser noni “Ace tut ba, duug pigo dicig-dipmem nya nipou ug e leu api dikwei bit na.” Lene Elia buhup “Dwai, aug ba, apigo yok hak ug. Dipai ser na bi.”

MATIUS 8:21

Lene hiter di bit Yesus pai binoni “Andigpoi e, gino ace tut ne duug tig dicig nimai nipou ug e leu api midikwei bit Na.”

MATIUS 9:9

Lene Yesus jo leu mpia dima bimbut-mbut nyen. Noni tau kep Matius tirigi noni gwam ei nide kintrorti ba, ya tindei belasten biyem tungwatu nya imuhub. Yesus hig noni “Akwei bit Da.” Lene Matius kiju bibit Noni bihigom.

MARKUS 2:14

Noni mbut mbigom bu bitau kep Lewi di Alfeus nipmot tirigi gwam ei nide kintrorti biya tindei belasten biyem tungwatu nya imuhup. Yesus hig noni “Akwei bit Da.” Gima rino Lewi kiju bibit Noni bihigom.

LUKAS 15:24

Lewo dipmot dini mai su noro niyaijo hanyen bu. Nipou ne noni srawir leu da noro dingat ningat bou diyai him hanyen tu.’ Pai nok leu api yahagom ibon pesta nindig bibor.

LUKAS 15:32

Noro suar nyeni ibon pesta bingon llei bibor drek dip akinjoi di mai su lo, niyaijo hanyen bu. Noni pror leu nye noro dingat ningat bou diyai him hanyen bu tu.’ ”

LUKAS 9:59

Lene Yesus pai bak hiter “Akwei bit Da.” Noro no dima buhup “Andigpoi e, gino ace tut ne duug tig dicig nimai nipou ug e. Leu api midikwei bit Na.”

LUKAS 9:60

Yesus buhup “Nna ba asindui sut ba, yo di imai nya itig ide nimai nya. Noro tut nani ne ma aug tri tut bipia Allah ninyeng tak kepti sindi tau kep tungwatu nya tu.”

YOHANES 1:43

Njapti kui bu lene Yesus kos tut ningon kanti mem gima ug ei hanjop Galilea. Noni ttau kep Filipus bipai binoni “Akwei bit Da.”

YOHANES 21:19

(Tug hon nipaisi dima lene Yesus mbot kep tut notou Petrus miba nimaisi bikon Allah ninyeng ei nidipti bu.) Gima ngwig leu api Yesus pai binoni “Abit Da.”

YOHANES 21:22

Yesus buhup “Gino dijoi sut bipia no dima niyaijo kikau ug bipek dikwei hanyenti kep lene ma aba angon srip huk munhyet dima au. Noro tut nani ne ma abit Da!”

EFESUS 2:1

Nipou ne mun di bitut jinnei mai su lewo jibit Allah nicukti nya bi bijibon kep sisar.

EFESUS 2:5

Tirigi mun di bitut innei mai drek dip gi itunggwei sut Allah nihyet lene Noni win nye hanyen leu imai eisi ndam niyaijo nijep noyam kin Kristus. Gima rino jiyai niteu leu sisarti kin niyaijo nijepti tug hon Allah di singat tut je.

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

KOLOSE 2:13

Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,

TIMOTIUS GI NIGOM 5:6

Sop kibom di ba noho rok mun di ngat ningwes eisi lene mbro nok gino niyaijo yo lo, mai su.