MATIUS 8:20 - ALLAH NIHYET MEM TUNGWATU NYA

²⁰ Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

MATIUS 8:20 ပူးပေါင်းရင်းမြစ်များ

MAZMUR 104:12

Ha nya cem itot yaham ei biei ninggrupti nya simiak minyei ba, ighyet ei nimeng nggrousi nya.

MAZMUR 104:17

Ha nya itot yaham ei ninda nyati lene kindus mbrei nya itot yaham ei mbigdip nya.

MAZMUR 109:22

Lewo duhui mbum ba, niwei om kep da cem ba, dingon bok kikau ug ei dingon mien.

MAZMUR 40:17

Dijoi sut gima yo di ikuk yok biNa yahagom ingon nggei-hi-nggei ba, yo di inggok tut Na yahagom ingon llei bibor cem. Handei kon ba, yo di ateu yok leu sisar nya yahagom ipai sigyo hanyen biNa bipai-pai nyen “Mbenjen! tuhan ninyeng jei bibor!”

MAZMUR 69:29

Ma adip tut inyeng leu Ade daptar di apas kep Ade limwa di igyaijo nya inyeng eisi hak ug. Ma inyeng tibim kin Ade limwa nya inyeng ei Ade daptarti au.

MAZMUR 84:3

Diwis him gima dingat rin ei Allah De Ig. Diba dingon llei bibor kin dingat kin dinnei bipai doia bak Allah di niyaijo.

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

MATIUS 12:32

Allah mikos ser sisar nisrep tut Munggwom Tungwatu Nipmotti noro bit bon Noni kos ser sisar nihyet wer mpiahi tut Ninnei Gi Kwesti mem nijam dini kin nijam ningwig honti cem kan bi!”

MATIUS 12:40

Yunus bong ei wau ndig ninghopti mem mmun-njap ningai. Nok gima cem tut Munggwom Tungwatu Nipmot. Noni mibong ei dihyei jou mem mmun-njap ningai.

MATIUS 12:8

Lewo Munggwom Tungwatu Nipmot ninyeng tak kep Njap Nigwam Kep Ninghuisi.”

MATIUS 13:37

Yesus buhup “No di hap gandum nitu ne Munggwom Tungwatu Nipmot ri.

MATIUS 16:13

Yesus nya yuug ei hanjop nsi di dideu minu ndig Kaisaria Filipi leu api Noni hig ser yo di igya kui Noni “Tirigi tungwatu nya ihig yam tut Munggwom Tungwatu Nipmot lene ipai sut Dani tou rin i?”

MATIUS 16:27

Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.

MATIUS 17:9

Tirigi ijuk kep kwei leu mbigdip dima lene Yesus sok kep yok ngkiem ser “Ma jitri tut mun di jingat bou jiyai him dima au bibou Munggwom Tungwatu Nipmot kiju hanyen leu nimai eisi ug e.”

MATIUS 19:28

Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.

MARKUS 8:38

No di mmai sut Da bitut Ditde ningginausi nya mem nijam di mpung tut tungwatu nya di ingon rom bingkek ndok cem dini lene Munggwom Tungwatu Nipmot mimmai sut no dima tirigi Noni kwei sut Nicig Nide nikei-kau-keisi kin malaikati di dia-diau nya.”

LUKAS 12:8

“Ma jiyok ngon kep bipia bikwop no di tri tut brei ei yo di yahagom yoho bei bipia noni tti kin Dani lene Munggwom Tungwatu Nipmot cem mitri tut brei bipia tti kin noni ei Allah de malaikati nya yoho bei.

LUKAS 18:8

Ma jingon jo kep bipia Allah bipbur bimbrap gau yok! Noro tirigi Munggwom Tungwatu Nipmot kwei hanyen lene Noni mittau kep yo di iba ingon com Noni ei dihyeisi dini e?”

LUKAS 2:12

Ba, mun di ndo bindo tut dipaisi dini rinok gini. Mporo jimbut bijittau kep ningwoi-ngwoi dima bijingat lo, no iba ban binggai di ikes tut ei brua nsi ei a.”

LUKAS 2:16

Lene ibipbur biyuug ttau kep Maria kin Yusuf bingat lo, ningwoi-ngwoi dima No bong nyahan ei brua nsi ei a.

LUKAS 2:7

bisrek tut nipmot mighumbou biba ban binggai lene kes nyahan tut ei brua nsi di sapi nya igyem kep njita eisi lewo ig losmen hi bon ningwakti mem yok bi.

LUKAS 21:36

Gima rino ma jiyai ngkiem bijingat nadi bidem nituti kin nikwesti hagom leu binhyepo jiyai nisindemti. Leu binhyepo mbro nok gino mun di cut igkep je buhun bibor lo, jiba ningwes ngun biya ei Munggwom Tungwatu Nipmot Noho bei.”

LUKAS 8:3

kin Yohana di Khuza di ya kui Herodes nitnem kin Susana kin sop nindigsi imang bibor cem. Sop dini yok iba mitiei di inyeng tut nya binyohou Yesus kin yo di igya kui Noni.

LUKAS 9:58

Yesus buhup “Nsien bigbehei nya ibong kikepti nonaha lene ha nya cem ibas nonaha noro Munggwom Tungwatu Nipmot bon nibongti hi bi.”

YOHANES 1:51

Yesus pai bu “Ma jiyok ngon kep lewo dipai nijit-jau bije bipia mijingat mpia-bbed him kau leu lene Allah de malaikati nya ikui-juk nyen biti Munggwom Tungwatu Nipmot noyam kin iti lin.”

YOHANES 12:34

Tungwatu ningot ndig dima ipai biNoni “Bit leu nok gi ipas ei ide Puig Yahudi niggai serti nibokti ne Nibou Ndig di teu tungwatu nya biyai niyaijo nijep biyok niyaijo kikau. Nggon rino apai bipia tungwatu nya ikon Munggwom Tungwatu Nipmot ei nnai leu dihyei ninjek dip i? Tou rino Munggwom Tungwatu Nipmot dima i?”

YOHANES 13:31

Tirigi Yudas ug leu yok tu lene Yesus pai biyok “Tto bou dem mem Munggwom Tungwatu Nipmot yai nikei-kau-keisi ba, Allah cem yai nikei-kau-keisi tug hon Noni.

YOHANES 3:13

Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

YOHANES 3:14

Bit leu nok Musa kon wou ngkimom-tembaga ei biei ninggrupti bitas tut ei iggum ndigsi. Nok gima cem tungwatu nya mitas biei tut Munggwom Tungwatu Nipmot,

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YOHANES 6:53

Lene Yesus pai biyok “Ma jiyok ngon kep bipia gino jiyem Munggwom Tungwatu Nipmot ninghui bijidut ninggrom bi lene bit bon jiyai niyaijo nijep ei jingonti kan bi.

YOHANES 6:62

Notou mem je gino jingat Munggwom Tungwatu Nipmot tirigi kui hanyen ug ei nitimieisi bou jiyai him i?

KISAH 7:56

Noni hara “Jingat i! Dimbou gwamti kau leu ba, Munggwom Tungwatu Nipmot ya kui Allah ninda com!”

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.