MATIUS 7:24 - ALLAH NIHYET MEM TUNGWATU NYA

²⁴ “Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

MATIUS 7:24 ပူးပေါင်းရင်းမြစ်များ

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 119:130

Tirigi ambot kep tut Ade ningginausi ne ninjeng piga digai nye ba, biyai ningon ki bak yo di ingon mbum nya.

MAZMUR 119:99

Dingon dorti tut mun nyeng hagom dor njiriek guru nya di ipingok dingonti yahagom lewo dikan-kan nyen tut apingok dati nya.

NIPINGOK NINGONTI 10:25

Sigau cut bihwen tungwatu lene gima bindei ba, no di sibut sar. Noro no di ningon gom miya ngkiem bijo kikau.

NIPINGOK NINGONTI 10:8

No di ningon ki sindui sut ba, hiter ipingok ningonti. No di ba ningon di mbum bimbrap misrawir.

NIPINGOK NINGONTI 12:7

No di sibut micut bisar leu ba, hi mintun him noni bi sren. Noro no di ningon kwes kei miya ngkiem bijo kikau ug bipek nide nintun him yamti di bram yam nya.

NIPINGOK NINGONTI 14:8

No di ningon ki ningon dorti tut nisinati mem gima yai kep niyai munti nya noro no di ningon mbum ne nide ningon mbumti ris mun ei nonti dip.

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 16:18

Gima rino dipai bina di Petrus bipia nani ne tig di nddong kei ri. Midita Ditde mbusyamei ei tig di nok cou nipmem dip rin ba, bit bon Bilis kin nide limwa nya ibindei cut mbusyamei dima kan bi.

MATIUS 24:45

“Tou rinok awak di ningon gom ba, ningon ki cem i? Gi hi dima ne no di niceu ndo nok nibou mem awak nindigsi nya leu binhyepo kwas njita tut yok dem igbit jam di noni preu ei su.

MATIUS 25:2

Sop gwam nitta pilei dima yok ibou muhwi ingon mbum lene ibou muhwi ingon ki.

MATIUS 25:4

Ibou muhwi di ingon ki nya ipwoi mini ampou nuut gom kin bu mem ide mini ninjeng.

MATIUS 25:9

Sop di ingon ki nya ibuhup ‘E bi! Lewo mini niken dini dem mem yahagom bi. Juug ba, jipek mini mem jenti ei kiosti.’

MATIUS 7:25

Tirigi nijam dem mem mpia but ba, minyei su bibiam sindem lene hou di ten cut cem ba, hwen ig dima noro tti bi lewo no dima ngot ig ei tig di nok cou nipmem dip.

MATIUS 7:26

Noro bikwop no di miap kep dihyet bibit bi ne no dima dem kep tukan di ningon mbum di ngot ig ei iggum dip di jo minyei nipimat.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

YOHANES 14:15

“Gino jingon ngakei Da lene jibindei mbut Ditde nicukti nya.

YOHANES 15:10

Gino jibindei mbut Ditde nicukti nya apino jingon gom tut Ditde ningon ngakeisi. Gima noyam kin dingon gom tut Dicig Nide ningon ngakeisi tug hon gi dibit nicukti nya.

YOHANES 15:14

Gino jibit Ditde nicukti nya lene jinok disut bat di dingon kieti nya ri.

ROMA 2:13

Lewo Allah bibon tungwatu nya ingon kwes kin Noni drek dip ingon di dor nicuk mben Yahuditi dima he bi. Noro drek dip gi ibon mun bit leu nok nicukti dima nicuk yoti.

YOHANES GI NIGOM 2:3

Gino igyai igbit Allah nicuk nyeti nya ne gini bindo bipia ingon dorti tut Noni mungkun tu.