MATIUS 7:21 - ALLAH NIHYET MEM TUNGWATU NYA

²¹ “Tungwatu nya imang bibor mindat kep dinyeng bipai ‘Tuhan! Tuhan!’ Noro yo dima yahagom micoi bit Allah Ninyeng Tak Kepti bi. Noro bikwop yo di igyai igbit Dicig ei gwamti ningon kanti he micoi bit.

MATIUS 7:21 ပူးပေါင်းရင်းမြစ်များ

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 16:17

Yesus buhup “Simon di Yona nipmot e, angon nggei-hi-nggei lewo mun di nijit-jau di tibim leu ahui him dima ne tungwatu nya ipingok na tut bi noro Dicig ei gwamti pingok angonti tut.

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

MATIUS 18:19

Lene ma jingon dorti tut gini cem. Gino jibou can ei dihyeisi dini jiba jingon kanti gom bingat nadi ne Dicig ei gwamti mibirop hanyen bije.

MATIUS 18:3

Leu api pai biyok “Ma jiyok ngon kep bipia gino jiluei jingon kanti dem kep munggwom mien dini ningon kanti bi ne mijicoi bit Allah Ninyeng Tak Kepti bi sren.

MATIUS 18:35

Lene Yesus pai nihyet ningwigsi bitak kep nihyet nibiti nindati “Nok gima cem Dicig ei gwamti mibibon je bibikwop tungwagom-gom nok gima drek dip gi jiba jingon gom bikos ser sisar di jisut bon tut je bi nya.”

MATIUS 19:24

Dipai mun nyeng gom kin bu bije bipia krop kei mem unta ningut gom coi kak mup mbrei mihyeti leu gima no di nyeng bibor coi Allah De Dihyei Di Nijep.”

MATIUS 25:10

Yoni yuug pek mini mem yonti sri leu lo, pinai di kwei buwak nitnem ttau kep sop ibou muhwi di ingon ki nya leu api icoi ug ei ig bei bit noni. Leu lene dimbou nggam bingkiem.

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 26:39

Leu api Noni ug ei pas poi leu yok bikuk No lene ba ningwak bikik dihyei bingat nadi bipai “Arig e, gino bit leu angon kanti ne ma abindei ba, ninghuisi wei di suar cut igkep Da jo minu ting leu Da hak ug. Noro dibit dingon kanti bi leu binhyepo dibit angon kanti.”

MATIUS 26:42

Yesus ngkwei hanyen bingat nadi bipai “Arig e, gino bit bon mok tut ninghuisi wei di suar cut igkep Dani jo minu ting leu Da kan bi bibou didut eisi ug e lene nna ba dikuk Da bak Nanti angon kanti hak ug.”

MARKUS 3:35

Lewo no di yai igbit Dicig ningon kanti ne dikinjoi kin dikwohop kin dipmem ri.”

MARKUS 9:47

Gino jiyai njep hi bindei ba, jicut ug ei sisarti lene ma jiket jiyai njep leu hak ug! Gi kei mem jiba jiyai gom ngat bicoi ug ei Allah Ninyeng Tak Kepti leu gima jiyai njep hacem jo kikau lene gima bindei ba, jisar ei hum njengti.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

LUKAS 13:25

Ig niceu mikiju binggam mbou leu api je di jiya igbit nisai mijipuk-puk nyen dimbou bijahara ‘Andigpoi e, akau dimbou leu nye o!’ Noro noni mibuhup ‘Dikan tut jikwei leusi bi.’

LUKAS 18:25

Krop kei mem unta ningut gom coi kak mup mbrei mihyeti leu gima no di nyeng coi ei Allah De Dihyei Di Nijep.”

LUKAS 6:46

“Nggon rino jindat kep dinyeng ‘Tuhan! Tuhan!’ Noro jibit dihyet bi i?

YOHANES 14:7

Gino jikan igbit tut Dani lene jo nibreisi bipia jikan igbit tut Dicig cem. Hon kep ammani kui ne jikan igbit tut Noni bijingat igbit Noni.”

YOHANES 15:23

No di ningon mpo tut Da ningon mpo tut Dicig cem.

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

YOHANES 5:17

Noro Yesus pai biyok “Dicig yai kep midyai nya kikau kwei bipek ammani kep ba, Dani cem diyai kep midyai nya.”

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

ROMA 2:13

Lewo Allah bibon tungwatu nya ingon kwes kin Noni drek dip ingon di dor nicuk mben Yahuditi dima he bi. Noro drek dip gi ibon mun bit leu nok nicukti dima nicuk yoti.

EFESUS 6:6

Ma jibibon yoni nok gima tirigi igyok igyai kep je he ba, jibinggok tut gima ijoi sut je he au. Jeni ne awak mem Kristus ri. Gima rino ma jita jibou ei jiyai munti nya bit leu Allah ningon kanti mem je.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 4:3

Allah ningon kanti mem je rinok gini. Suar jingon kwes-kwau bijimbres jenti leu sisar nicut tut yamti.

TESALONIKA GI NIGOM 5:18

Ma jijem sigyo bak Allah tut mun nyeng hagom di pek kep mem je. Ba, gima yok hagom lene Allah ningon kanti mem je di jinok gom kin Kristus Yesus ri.

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

IBRANI 4:6

Yo di imiap Nihyet Di Kei habiei icoi ug ei mpia dima bibong kep inghuisi bit Allah bi lewo iba ingon com Noni bi. Gi nok ne jo nibreisi bipia Allah sindui sut hiter ba, icoi ug ei mpia dima bibong kep inghuisi bit Noni.

YAKOBUS 1:22

Suar jibit Allah nicuk jeti lene ma jimiap kep nicuk jeti he au. Leu gi nok lene jiris jenti hak ug.

PETRUS GI NIGOM 2:15

Allah joi sut gino jiba jiyai munti di kei bibor nya binim kep yo di ingon mbum nya leu binhyepo yuhui buwei kep je bu bi.

PETRUS GI NIGOM 4:2

Hon kep ammani kui ne ma Allah ningon kanti om kep jiyaijoti ei dihyeisi dini lene ma jingut kanti nya om kep je bu au.

NINGAT-HI-NGAT NYA 2:27

Yoni iba tom ngkimom nitu binyeng tak kep yok leu api idram yok kukiau bit leu nok idram dibijigya. Diyai nisindemti di Dicig yai bida biyok.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.

NINGAT-HI-NGAT NYA 3:5

Yo di ibindei cut sisar nisindemti nya igyai sinsun di tiei kei bijuk. Didip tut inyeng leu Srat Yo Di Igyaijo Nya bi sren. Midipai brei ei Dicig kin Nide malaikati nya yoho bei bipia yo dini ne Ditde limwa nya ri.