MATIUS 7:15 - ALLAH NIHYET MEM TUNGWATU NYA

¹⁵ “Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

MATIUS 7:15 ပူးပေါင်းရင်းမြစ်များ

NIBOU NDIG NYA GI NIGOM 13:18

Leu api nabi andig-ndau di bong ei minu ndig Betel dima ris mun bak bibuhup “Dani cem nabi noyam kin nani. tuhan sok nihyet ei Nide malaikati gom dip kwei bida leu binhyepo dikwei um nani ba, dicigit na kui ig bisiyem njita bit yam.”

YEREMIA 29:21

tuhan Di Sindem Bibor di Allah Israel tri tut Ahab di Kolaya nipmot kin Zedekia di Maaseya nipmot di itri tut mun nyeng di nijit bi nya bije tug hon tuhan ninyeng. tuhan pai bipia mikes yoni ei Nebukadnezar di nok nibou ndig mem minu Babel ninda nsi ba, noni miyai nimai biyok bou jiyai him.

YEREMIA 29:32

Nibon munti dima bindei ba, jiba jimbuk bihwen Da. Gima rino midikes hukum ei noni kin nide nintun him yamti di bram yam nya dip. Hukum dima rinok gini. Noni kin nide nintun him yamti di bram yam nya mimai ba, ingat mun di kei dino midibon mem Ditde limwa nya bou igyai him bi. Da di tuhan disimbot dat tu.”

YEHEZKIEL 13:16

Nabi nitrowai jen! Jitri tut bipia minu ndig Yerusalem bong kei gwam kei ba, mpia mbum-bra. Noro nok gima bi sren!” tuhan Di Ninyeng Jei Bibor simbot dat tu.

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

YEHEZKIEL 22:25

Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

DANIEL 11:34

Tirigi niyai nimai biyokti dima jo kep yok lene ibou poi he ingondut Allah de limwa nya bimpu yok. Mbro nok gino yo di imang bibor ibicom yam bit yok lo, yo dima ibinggok puig tut mun di bon ninyeng mem yonti he.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

ZAKHARIA 13:4

Njap dima dem ne nabi nya mimmai sut yonti drek dip ide niyai nibou tut nibon mun noyam kin nabiti. Ba, ijuk sinsun nabi leu binhyepo ibiris mun bibinggei sut ide ningat-hi-ngat di ingat cem bu bi.

MATIUS 10:17

Ma jingon sok kep jenti tut yo di ikat je ug ei Nikei Puig Yahudi nya yoho bei leu api imbas je ei mben Yahudi ide ig mbusyamei nya.

MATIUS 16:11

Nggon rino jingon dorti tut dipaisi bi i? Lewo dipai sut roti bi noro tut roti ninjep di Farisi nya kin Saduki nya ide!”

MATIUS 16:6

Gima rino Yesus pai biyok “Ma jingon sok kep jenti tut roti ninjep di Farisi nya kin Saduki nya ide.”

MATIUS 24:11

Nabi nitrowai nya imang bibor mikiju biris bak tungwatu nya imang bibor.

MATIUS 7:14

Noro dimbou hui di bie ug ei niyaijo kikauti kom bibor ba, puig dima cem kom bibor apino tungwatu nya gom-gom he icoi kak dimbou hui dima.”

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

LUKAS 6:26

Aye! Buhun bibor mem jeni gino yo di yahagom inggei sut je! Lewo yo dima idigup bat-idigai bat nya inggei sut nabi nitrowai nya mimbrek ngan tu.”

YOHANES 10:12

Noro awak pima ne domba nya iceu kin ide gembala rin bi. Tirigi nsien bigbehei ham domba nya lene noni kes domba nya ei binang leu leu api nsien dima briu-briu nyen domba bibindei ba, nindigsi intek gimahap.

KISAH 13:40

Gima rino suar jitindei ser mun di nabi nya isok kep tungwatu nya tut leu binhyepo mun dima cut igkep je bi. Nabi nya ipai,

KISAH 13:6

Lene ijo leu minu ndig Salamis bigya bidem Mios Siprus kikau ba, ikwei krau minu ndig Pafos ei mios dima nohon keti. Leu api yuum Bar-Yesus di mben Yahudi gom ei minu ndig dima. Nung kui no dini bitri tut nonti bipia noni ne nabi ri.

GALATIA 2:4

Mbro nok gima lo, bihi ibidip huk noni tut. Yo dima iluei itta tereu nok yo di Kresten ba, ibipis yo di mbusyameisi leu binhyepo iba itta sien kep yo di mbusyamei binggok tut nyende niyati kwes di tug hon ide ninok gom kin Kristus Yesusti. Yoni ipi biyuubon nyeni bininok awak mem puig timiei hanyen.

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

FILIPI 3:2

Ma jitindei ser yo di ibon kep mun di suwok nya lewo inoyam kin nsien di niten-pos nya bibidip huk tungwatu nya tut midut sunat.

KOLOSE 2:8

Ma jingon sok kep jenti ser nhyema hi ba ningon di kiti di ntun tungwatu dihyeisi dini him di bon ninyeng bi buubon je au. Ningon kiti dima ntun Kristus him bi noro ntun tungwatu dihyeisi dini ingon kanti him kin ninnei di inyeng tak kep mpia-bbed him kin dihyeisi dini him.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

2 TIMOTIUS GI NICAN 4:3

Lewo ei nidipti bu ne tungwatu nya mijoi sut ningginausi di nijit di tibim ei itingou nsi bu bi. Noro yuhuk bram yonti ingon kanti nya binduk guru nya imang-mang di ingginau yok tut mun di itingou dile mem.

PETRUS GI NICAN 3:17

Disut bat di dingon kieti jen, jikan tut mun dini yok hagom tu. Gima rino ma jitindei ser yo di ingkek ndok tut Allah nicuk yokti leu binhyepo iris je bijicut leu jiya nddongti au.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

NINGAT-HI-NGAT NYA 16:13

Dingat ninnei rom di noyam kin ugwaham ningut ningai di ittau kwei leu naga kin mindhe di niten-pos kin nabi nitrowai nya yuhui.

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NINGAT-HI-NGAT NYA 20:10

No dima com Bilis di ris bak tungwatu nya yahagom ei muk hum belerang di cig-caiti. Mindhe di niten-pos kin nabi nitrowai itug ndei hukum ei muk hum nipou su. Yo dini mitug ndei inghuisi wei nindig bibor bikwop mmun-njap kikau buug hon nohonti bi.