MATIUS 7:13 - ALLAH NIHYET MEM TUNGWATU NYA

¹³ “Ma jicoi kak dimbou hui di kom lewo dimbou hui di bie ug ei hum njengti nyan bibor ba, puig dima sur yam kei apino tungwatu nya imang bibor icoi kak dimbou hui dima.

MATIUS 7:13 ပူးပေါင်းရင်းမြစ်များ

NITRITI 6:12

Lene Allah ngig niyai kep dihyeisi dini bingat lo, dihyeisi mpung tut mun di kinei lewo tungwatu nya yahagom ibon munti nya kinei bibor.

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NIPINGOK NINGONTI 16:25

Tungwatu dihyeisi dini ikak puig di ikan bipia sren kei noro puig dima mbut ug ei minu nimai nya ide.

NIPINGOK NINGONTI 7:27

Gino jicoi ug ei nide ig lene gima noyam kin nikak puig di bikwam ug ei minu nimai nya ide.

NIPINGOK NINGONTI 9:6

Ma jikes hon jide ningon mbumti leu binhyepo jiyai ningon nggei-hi-nggeisi. Ma jibit yo di ingon ki nya ide puig di imbut a.”

YESAYA 1:9

Gino tuhan Di Sindem Bibor sindui sut nye ba, ibou poi ingwes ngun bi ne nyeni yahagom isar bingwig dem kep nok Sodom kin Gomora.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

MATIUS 25:41

Lene Noni pai bak yo di igya kui ninda prak ‘Juug bihigom leu Doho bei lewo Allah mbriom je tu! Juug dor kikau ug ei hum di bit bon hi mu kan bi di Allah tin ei mem Bilis kin nide malaikati nya!

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 3:8

Ma jiba jiyai munti bindo bipia jittin ser jide sisar bijikiek ndam Allah tu.

MATIUS 7:14

Noro dimbou hui di bie ug ei niyaijo kikauti kom bibor ba, puig dima cem kom bibor apino tungwatu nya gom-gom he icoi kak dimbou hui dima.”

LUKAS 14:33

Lene Yesus pai ningwigsi biyok “Nok gima tut jeni cem. Gino jikes mun di jinyeng tut hagom ei bi ne bit bon jiya kui Da kan bi.”

LUKAS 9:33

Tirigi yo cin pima itin ei bikes Yesus rin lene Petrus pai bak Yesus “Andigpoi e, ningon llei sut gi ningat rin bit je! Nnaba, minohok ig jibei ningai ba, hi mem Nani hi mem Musa lene hi mem Elia.” (Petrus ba ningon di kiowi niti bipai nihyet dima.)

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

ROMA 9:22

Nok gima cem tut Allah niyai munti nya. Noni kos tut bipia ndo ningon sibui sut sisarti brei bak tungwatu nya leu binhyepo ingon huk niti tut Nide nisindemti. Noro om ningon tut yo di suar itug ndei hukum drek dip gi ibindei ningon sibui sut yok.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

KORINTUS GI NICAN 6:17

Gima rino ma jikes yo di ingon jo kep bi nya bijimbres jenti leu yok. Ma jipriet kin mun di bindei di map kui jeti au. Leu api diya um je.

GALATIA 5:24

Yo di ijem iceu bit Kristus Yesus igyai nimai bak ingut kanti kin ide ningon pri kepti di ntun dihyeisi dini him nya hagom.

FILIPI 3:19

Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

YOHANES GI NIGOM 5:19

Mbro nok gino No Di Ba Nitok Bak Allah ninyeng tak kep tungwatu dihyeisi dini yahagom lo, ingon dorti tut Allah di ninyeng tak kep nye.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

NINGAT-HI-NGAT NYA 20:3

Noni com naga ug ei jui ninnei rom nya ide leu api bakusin ser dimbou lene ba biei nggrai bikrau kep. Gima hagom nok leu binhyepo bit bon Bilis ris bak tungwatu dihyeisi bu kan bi bibou ari bingwam sribu gom ngwig ug e. Tirigi tto bou dem tu lene dimbou jui nsi dima mikau leu noni mem nijam di jei bi.