MATIUS 7:11 - ALLAH NIHYET MEM TUNGWATU NYA

¹¹ Mbro nok gino jingkek ndok lo, jingondut jimunggwom bat nya. Jicig ei gwamti ne miyai nok gima hak ri! Nijit ne Noni mingondut yo di yahara Noni.

MATIUS 7:11 ပူးပေါင်းရင်းမြစ်များ

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

SAMUEL GI NICAN 7:19

Lene gima he bi lewo Na di tuhan Di Anyeng Jei Bibor abikum eisi bu ba, apreu ei mem da tut ditde nintun him di bram yamti. Mbro nok gino dani ne tungwatu dihyeisi dini he lo, Na di tuhan Di Anyeng Jei Bibor ando mun dini yok hagom brei bida!

AYUB 15:16

Gino Allah ba ningon com yok bi lene notou mem no di kinei-kinau kin no di ningon rom di dahat nikibou ei nibon mun di kinei biborti noyam kin gi dahat nikibou ei minyeiti he i?

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 85:12

Mben Israel ingon gomti mikui ug ei gwamti leu api Allah de ningon sren-srausi micap kwei leu gwamti ndam yok.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

YESAYA 49:15

Gima rino tuhan buhup, “Bon gima sop hi ningon prion ser nimunggwom e, he ngondut no di noni srek tut bu bi e? Mbro nok gino sop hi ningon prion ser nimunggwom lo, midingon prion ser je kan bi sren.

YESAYA 63:7

Miditri tut tuhan ningon ngakei nyeti bidinggei sut Noni tut niyai munti nya. Noni njei mun di kei nindig bibor bak Nide limwa nya lewo ningondut yokti kin ningon ngakei yokti ug hon nohonti bi sren.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

YEREMIA 33:14

tuhan pai bu “Tto bou midem leu api midiyai mun bipek kep gi preu di dipreu ei mem mben Israel kin timiei Yehuda nya.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MALEAKHI 1:6

tuhan Di Sindem Bibor pai bak imam nya “Nipmot kuk no bak nicig lene awak kuk no bak niceu. Dani ne jicig ri. Nggon rino jikuk je biDa bi i? Dani ne jiceu ri. Nggon rino jittin tut Da bi i? Jingwes pri gau Da noro jihig ser Da ‘Notou ningwes pri gau Na i?’

MATIUS 23:9

Ma jijem tungwatu dihyeisi hi ninyeng Arig cem au. Lewo jibon Jicig gom ngat ba, No rinaha ei gwamti.

MATIUS 7:10

He hara je tut wau lene jiyai wou bak e?

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

ROMA 3:9

Gi nok lene nye di mben Yahudi igyaijoti kei dor njiriek ngkiai nya igyaijoti e? E bi! Dipai brei bije tu bipia sisar om kep mben Yahudi kin ngkiai nya yahagom ingonti noyam.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

GALATIA 3:22

Noro bit leu nok gi ipas ei Allah nihyetti bipia tungwatu dihyeisi dini hagom ide sisar om kep yok. Gima rino yo di ingon jo kep Allah iba yo kep mun di Noni preu ei mem yok tug hon ide niba ningon com Yesus Kristusti.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

YOHANES GI NIGOM 4:10

Ningon ngakeisi rinok gini. Ingon ngakei Allah bibie bi. Noro Noni ningon ngakei nye bibie leu api pinak Nipmot kwei ei dihyeisi dini leu binhyepo igyai nikos ser ide sisarti tug hon Noni.