MATIUS 6:9 - ALLAH NIHYET MEM TUNGWATU NYA

⁹ Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

MATIUS 6:9 ပူးပေါင်းရင်းမြစ်များ

SAMUEL GI NICAN 7:26

Tungwatu bidem dihyeisi dini hagom mikon anyeng di jei tirigi itri tut ighyet biyam ‘tuhan Di Sindem Bibor ninyeng tak kep mben Israel!’ Lene ma abindei ba, yo di intun dani him minok nibou ndig nya bigya luei dohoti bram yam bijo ninno bijo kikau.

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

NIBOHON MBEN ISRAEL GI NIGOM 17:24

Tungwatu nya bidem dihyeisi dini hagom mikon anyeng bijo kikau. Lene mipai ‘tuhan Di Sindem Bibor ne Allah di ninyeng tak kep mben Israel ri.’ Mporo Nani anyohou yo di intun dani him leu binhyepo inyeng tak kep ide limwa nya bram yam bijo kikau.

NIBOHON MBEN ISRAEL GI NICAN 20:6

lene ba nihyet ndig bingat nadi bak tuhan bipai “Nidigup bat-nidigai bat nya ide tuhan Allah e, Nani ne Allah ei gwamti ba, anyeng tak kep mben di dihyeisi dini hagom. Anyeng jei bibor ba, asindem bibor cem. Ba, tungwa hi di sindem bibor mem gima bindei timek Nani kan bi.

NEHEMIA 9:5

Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 115:3

Nyeni ide Allah No rima ei gwamti. Noni yai midyai nya bit leu ningon kanti.

MAZMUR 72:18

Jikwei ba, inggei sut tuhan di mben Israel ide Allah! Nongkom bibon mindur di bibon ninggap leusi.

YESAYA 37:20

Nyende tuhan Allah e, ma ateu nye biningwes ngun leu mben Asyur dima inda nsi leu binhyepo ngkiai nya ei dihyeisi dini hagom ikan tut bipia Nangkom ngat he rino tuhan.”

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

YESAYA 63:16

Nani ne nyeni nicig ri. Nyende pung di nintun him di Abraham Yakub nya ikan tut nye bi. Noro Na di tuhan e, anok nyeni nicig ba, ateu nye biningwes ngun habiei ei nimbie him kikau kwei bipek ammani kep.

YESAYA 64:8

Noro tuhan e, Nani ne nyeni nicig ri. Ninok igtuyap di aop bou anda him ba, apai tes nye.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YEHEZKIEL 36:23

Midindo dinyeng di jei bibor nikwes-kwausi di jibimangkrei bijico kep bidem jingkiaisi hagom bak ngkiai nya leu api mijo nibreisi mem yok bipia Dani ne tuhan ri. Da di tuhan Di Dinyeng Jei Bibor disimbot dat tu. Midiba jeni bindo bindo bak ngkiai nya bipia Da di tuhan Gom Ngat bidingon kwes-kwau.

YEHEZKIEL 38:23

Tug hon nisinati dima lene midindo brei bak ngkiai nya yahagom bipia dinyeng jei bidingon kwes-kwau cem. Apino yoni mikan tut bipia Dani ne tuhan ri.”

IMAM NYA IDE MIDYAI 10:3

Lene Musa pai bak Harun “Mun di cut igkep yo dima bit leu nok gi po tuhan sok kep nye tut tirigi po Noni pai bipia suar yo di igyai kep Nide midyai ikuk yok bak Nide nikwes-kwausi. Noni mindo Nide nikei-kau-keisi bak Nide limwa nya yahagom pima.” Pai nok noro Harun kum nuhui kep bibuhup bi.

HABAKUK 2:14

Nintin kimbo tut Allah kin Nide nisindemti mikieng kep dihyeisi dini nisurti-nipekti dem kep nok muk ndigsi di mpung tut minyei.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MATIUS 10:29

Jiba mitiei nimeng ngwoi gom bipek minsit ningut can e? Mbro nok gima lo, minsit ningut gom cut bimai ei dihyeisi njiriek Jicig ningon kanti bi.

MATIUS 23:9

Ma jijem tungwatu dihyeisi hi ninyeng Arig cem au. Lewo jibon Jicig gom ngat ba, No rinaha ei gwamti.

MATIUS 26:29

Ma jiyok ngon kep bipia mididut ba anggur ngei dini bu bi kikau bipek njap dino didut ba anggur ngei nijep bu bit je ei Dicig Ninyeng Tak Kepti.”

MATIUS 26:42

Yesus ngkwei hanyen bingat nadi bipai “Arig e, gino bit bon mok tut ninghuisi wei di suar cut igkep Dani jo minu ting leu Da kan bi bibou didut eisi ug e lene nna ba dikuk Da bak Nanti angon kanti hak ug.”

MATIUS 5:16

Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

MATIUS 6:14

Gino jikos ser hiter ide mun di igyai tunggwei sut je ne Jicig nyo kug ei gwamti cem mikos ser jide mun di jiyai tunggwei sut Noni.

MATIUS 6:6

Noro tirigi je jingat nadi lene ma jicoi ug ei jide nghim nsi ba, jinggam mbou ser je leu api jingat nadi bak Jicig di tungwatu nya ingat bou igyai him bi. Apino Jicig di ngat mun di jo nding hagom bou niyai him mibindei ba, jimuhup tau bije.

MATIUS 7:11

Mbro nok gino jingkek ndok lo, jingondut jimunggwom bat nya. Jicig ei gwamti ne miyai nok gima hak ri! Nijit ne Noni mingondut yo di yahara Noni.

LUKAS 15:18

Nnaba sikiju bisingkwei hanyen ndam sicig leu api misipai binoni arig e, dibon sisar tut Allah kin nani tu.

LUKAS 15:21

Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

GALATIA 1:1

Srat dini leu da di Paulus. Diyai dinyeng no di ya kui Yesus tug hon gino tungwatu nya igya hacan mem da bita da nok no di ya kui Yesus bi. Noro tug hon Yesus Kristus kin Nicig Allah di win Noni hanyen leu nimai eisi.

GALATIA 4:6

Allah kes Nipmot Ninnei ei jeni kin nyeni ingonti lewo yahagom inok nipmot bat nya. Ninnei dima bindei ba, yahara Allah “Arig e, Arig e!”

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

NINGAT-HI-NGAT NYA 4:11

“Tuhan e, nyende Allah e, Nangkom dem mem gima ayai anyeng jei kin nikei-kau-keisi kin nisindemti. Lewo apai tes mun nyeng hagom ba, hagom jo nijoti bigyai niyaijo tug hon angon kanti.”

NINGAT-HI-NGAT NYA 5:12

Iba ighyet nindig bibor bipai doia “Domba Pmot di ibui bimai dem mem gima ninyeng tak kep mun di hagom cem nyeng tut mun nyeng hagom cem ningon ki cem ba, yai nisindemti kin ninyeng jeisi kin nikei-kau-keisi kin No ba, mun nyeng hagom inggei sut Noni!”