MATIUS 6:33 - ALLAH NIHYET MEM TUNGWATU NYA

³³ Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

MATIUS 6:33 ပူးပေါင်းရင်းမြစ်များ

NIBOU NDIG NYA GI NIGOM 17:13

Lene Elia pai bak “Amei e, ma angon ku na tut au! Aug ba, angei njita mem jenti jiyem hak ug. Noro ma akang roti nindak mien gom ba, attei kwei bidiyem nipou ug e leu api angei niken mem apmot jeni bijiyem kep jingguma.

MAZMUR 112:3

Nide ig bei nsi nya ne yo di inyeng ri. Mun di isuar nya dem mem yok ba, ibong kei igwam kei cem bijo ninno bijo kikau.

MAZMUR 37:25

Ei dipileisi kikau kwei bipek diwer andig-ndausi dini ne dingat lo, tuhan kes no di ningon sren ei bibindei ba, nimunggwom bat nya inggunggia huk tungwatu nya bihi bou diyai him bi sren.

MAZMUR 37:3

Ma jiba jingon com tuhan cem jinda jo kep jide midyai di kei nya cem. Ma jibong ei minu dima ba, jiba jingon di gom biyai mun nyeng hagom.

NIPINGOK NINGONTI 10:3

tuhan misindui sut ba, no di ningon kwes kei mimai ninggum bi. Noro Noni mibigen ser no di sibut leu binhyepo tug ndei mun di joi sut bi.

NIPINGOK NINGONTI 28:10

Gino abisinggre ba, ahwen no di ningon gom ningon bibon mun di mbuk ne ma abiam bon di andin mem noni. Yo di ingon kwes kei nya mibong kei migwam kei.

NIPINGOK NINGONTI 8:18

Dipwoi ninyeng tut ndigbanti kin ninyeng di jeisi kin nibong kei nigwam keisi bidibitri tungwatu nya.

NIBA NINGON SRIP HUKTI 10:2

No di ningon ki ba ningon di dorti bibon mun lene gima ngan-ngan tu. No di ningon mbum bon mun di kinei.

YESAYA 26:9

Diyok dingon mem Nani mem mpia mmun. Dingonti joi sut Nani mem mpia tekti. Tirigi agwam nok nikei mem timiei dihyeisi dini lene yoni mikan igbit tut nikei nikos tutti di sren kei nya.

YESAYA 33:6

Noni bindei ba, Nide limwa nya igya nddong kei. Ide ningon kiti kin nintin kimboti kin nikuk yok biNoniti miteu yok bingwes ngun.

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

MATIUS 19:28

Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.

MATIUS 19:29

Bikwop no di kes nide ig bei nsi nya kin nikindig-nikinjoi bat nya kin nikwohop bat nya kin nicig-nipmem nya kin nimunggwom bat nya kin nide miai bitut njita di joti ei leu binhyepo bit Da lene no dima miyai bibikwop mun dima yok hagom mbisratus gom bram yam hanyen bu bitut niyaijo nijep di jo kikau cem.

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 4:17

Mpe dima ne Yesus sindi tri tut nihyet bipai “Ma jittin ser jide sisar ba, jikiek ndam Allah lewo Allah Ninyeng Tak Kepti dideu kwei su!”

MATIUS 5:6

Bikwop yo di ijoi sut gima ibit leu Allah ningon kanti mem yok nya ingon nggei-hi-nggei lewo Allah misindem tut yok mem gima!

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

LUKAS 12:31

Noro ma jibrim jingkek mem Allah ninyeng tak kep jeti apino Noni miyai mun di nindigsi dima hagom bije.”

YOHANES 5:4

Lewo bikwop njap poi ser lene Allah de malaikati gom coi bibindei roi minyei ugyousi dima. Apino no di kinyon ei minyeiti bibie tirigi minyei roi-roi nyen lene nongkom dima kei hanyen.]

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

KISAH 20:25

Disut bat jen, dikwei sut nihyet tut Allah ninyeng tak kepti ei jahagom jikieti tu. Noro dikan bipia mijingat diimaisi bou jiyai him bu bi sren.

KISAH 28:31

brim ningkek kep yo dima tirigi noni tri tut nihyet tut Allah Ninyeng Tak Kepti ba, ngginau yok tut Tuhan Yesus Kristus cem. Tirigi noni yai kep midyai dima lene kwes mem noni ba, hi cuon ser noni tut bi.

ROMA 1:17

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

ROMA 10:3

Yoni ikan tut nisinati dino Allah bindei ba, tungwatu nya igyai ningon kwes kin Noni hanyenti bi. Noro ipi bitin puig hi ter bit leu yonti ingon kanti. Ikuk yok bak Allah de nisinati di bindei ba, igyai ningon kwes kin Noni hanyenti bi.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NIGOM 3:22

Jimbun Paulus kin Apolos kin Petrus kin dihyeisi dini kin niyaijoti kin nimaisi kin nijam dini kin nijam di jo nidipti bu ba,

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

TESALONIKA GI NICAN 1:5

Mun dini yok hagom nok bindo tut gima Allah ba ningon sren bimbus tungwatu nya ingonti. Jiyai ninghuisi wei mem Noni ba, gini mibindei bijidem mem gima jicoi bit Allah Ninyeng Tak Kepti.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

PETRUS GI NICAN 1:11

Apino jidem mem gima jicoi bit ide Tuhan Yesus Kristus di teu nye leu sisar biyai niyaijo nijep binye Ninyeng Tak Kepti di bit bon ug hon nohonti kan bi.