MATIUS 6:25 - ALLAH NIHYET MEM TUNGWATU NYA

²⁵ Gima rino ma jingon bos-bos nyen tut njita di jiyem kin ndia ngei di jidut kin sinsun di jijuk au. Lewo jide niyaijoti bon ninyeng dor njiriek njita di jiyem. Jingut bon ninyeng dor njiriek sinsun di jijuk.

MATIUS 6:25 ပူးပေါင်းရင်းမြစ်များ

MAZMUR 55:22

Ba nihyet di mmau bihwen ingon noro ningat ne ningon mpo bibor. Ba nihyet di nem-nnai kei cem bihwen ingon noro gima noyam kin singau simeda di nggwen-gwau di digo yok.

YEREMIA 45:5

Nggon rima ajoi sut gi dibibon na ter leu gi dibibon nindigsi nya i? Barukh e, ma ajoi sut nok gima au! Midiba mun di buhun bihwen tungwatu dihyeisi dini hagom. Noro tut nani ne mporo angwes ngun ri. Mbro nok gino ambut ug ei hantou-hantou lo, ayai mijo yo. Da di tuhan disimbot dat tu.”

MATIUS 10:19

Gino jiya ei nikei nya yoho bei lene ma jingon ku jenti tut mun di jibirop hanyen biyok au. Lewo mpe dima lene Allah mipingok jingonti tut mun di jibirop hanyen yo.

MATIUS 13:22

Njita ngan di cut ug ei bohousi bindo tut yo di ipwoi nihyet ei ingonti noro ingon ku yonti tut ndigban di mipror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

MATIUS 6:31

Gima rino ma jingon bos-bos nyen tut njita di jiyem kin ndia ngei di jidut kin sinsun di jijuk bijo ninno au.

MATIUS 6:34

Gima rino ma jingon bos-bos nyen tut mun di mipek kep mem je mem njap di hyep bu au. Mun dima yok hagom jo mem njap di hyep hak ug. Lewo mun di buhun di micut igkep nye mem njap gom ngat dini ne dem mem njap ndia he.”

MARKUS 13:11

Tirigi tungwatu nya ikat je bibuwak je ug ei nikei nya yoho bei lene ma jingon ku jenti tut mun di jibirop hanyen biyok au. Lewo mun di tibim ei juhui him mikwei leu jenti jingonti bi noro Jicig Ninnei miba jihyet di Noni pingok je tut dima bibirop yo dima ighyet.

MARKUS 4:19

noro ingon ku yonti tut mun di pror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

LUKAS 12:11

Tirigi tungwatu nya ikat je bibuwak je ug ei ig mbusyameisi mem gima nibou ndig kin yo di igya kui noni imbus jingonti lene ma jingon ku jenti tut notou jimbrap gau jenti kin gima jibirop hanyen biyok au.

LUKAS 8:14

Njita ngan di cut ug ei bohousi bindo tut yo di imiap nihyet noro ingon ku yonti tut mun di pror yon lene iba yoho rok mitiei nindig bibor kin ndigban di ingat ingwes eisi cem apino gima yok hagom ceu nihyet leu api ningat ntun him bi.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

KORINTUS GI NIGOM 7:32

Handei kon ba, mun di biyai ningon mbut-mbut nyenti ngot kep je bi. No di wak sop bi kon mun di bitut Tuhan bijo anai ei nibou ngwakti lewo noni pwoi Tuhan ningona.

FILIPI 4:6

Ma jingon pri tut mun nyeng hi au. Tirigi jingat nadi lene ma jahara Allah tut mun di jisuar nya. Ma jiba nipai sigyo di ntun jingonti him bahara Noni tut mun nyeng hagom.

2 TIMOTIUS GI NICAN 2:4

Tentara di tindei ser pran yai midyai nyeng can bi. Leu binhyepo pwoi nibou tentara ningon ba, joi sut noni.

PETRUS GI NIGOM 5:7

Ma jikes mun di jingon bos-bos nyen tut hagom ei Allah ninghat dip lewo Noni nyohou je.