MATIUS 6:19 - ALLAH NIHYET MEM TUNGWATU NYA

¹⁹ “Ma jimbus ndigban kin mitiei keyam mem jenti ei dihyeisi dini au. Leu gima yok awam mikkin ba, prap yem lene yo di imbrai nya minggek dimbou binggimang cem.

MATIUS 6:19 ပူးပေါင်းရင်းမြစ်များ

AYUB 24:16

Ninggimang kep mun cig nggek ig binggimang ndigban mem mmun noro nang leu ei njap tekti biku no nyahan.

AYUB 31:24

Diba dingon com ditde ndigban kin mitiei bi sren.

MAZMUR 39:6

Ayo! Akos tut bipia ditde njap cun bibor. Ditde njap nijeisi bon ninyeng ei ayai him bi. Ningat ne tungwatu nya idem kep ninnei di tau nuhwap nsi he.

MAZMUR 62:10

Tungwatu nya idem kep ninnei di ihi mbigom ngat he. Yo di inyeng jei kin ide limwa nya yahagom ibon inyeng bi. Gino ibakilo inyeng jeisi nibuhunti ne ingat lo, nggan-nggau dor njiriek ninnei di ihi mbigom ngat he nibuhunti.

NEHEI LEUSI 22:2

Gino tungwa hi bong ser ig gom ba, kat no di let dimbou mem mmun leu binhyepo nggimang ndigban lene hwen noni bimai lene no di bong ser ig dima ningon mui bi. Noro gino noni kat no di nggimang ndigban mem njap bihwen noni bimai lene ningon mui.

NIPINGOK NINGONTI 11:4

Mpe dino aum nimai lene mun di anyeng tut nya mibon ninyeng mem na bi sren. Gino aba angon di gom biyai mun ne angwes ngun drek dip.

NIPINGOK NINGONTI 16:16

Ningon kiti kin nintin kimboti kei bibor kei dor njiriek niyai mas kin perak.

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

ZEFANYA 1:18

Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

MATIUS 19:21

Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

MATIUS 6:20

Noro ma jimbus ndigban kin mitiei keyam mem jenti ei gwamti lewo bit bon awam kkin bi lene prap yem ba, yo di imbrai nya inggek dimbou binggimang cem ei gwamti kan bi.

LUKAS 12:21

Mun di buhun dima micut igkep bikwop yo di inju ndigban nindig bibor ei mem yonti noro ibrim ningkek tut mun di bon ninyeng ei Allah niyai him bi.”

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 12:39

Ma jiyok ngon kep! Bit leu nok gino ig ceu kan tut ninggimang kep mun cig nikweisi lene niyai mingkiem bitindei ser no dima leu binhyepo nggimang ndigban bi.

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 18:24

Yesus ngat bipia no dima ningon buhun bibor. Gima rino Noni pai “Nggruk bibor mem yo di inyeng nya inggre kin Allah ninyeng tak kepti!

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”