MATIUS 6:16 - ALLAH NIHYET MEM TUNGWATU NYA

¹⁶ “Tirigi jiyem njita bi mem nituti poi lene ma jibon jiimaisi hai dem kep yo di ingon can nya au. Lewo yo dima ibon nok bisinggre leu binhyepo tungwatu nya ingat ide niyem njita bisi. Ma jiyok ngon kep bipia imuhup tau biyok tu.

MATIUS 6:16 ပူးပေါင်းရင်းမြစ်များ

SAMUEL GI NICAN 12:16

Lene Daud ngat nadi bak tuhan tindei nipmot leu binhyepo mikei hanyen. Noni yem njita bi kikau ba, bong bas ei ansan dip ei nide ninsi bikwop mmun.

SAMUEL GI NICAN 12:21

Lene nibou di igya kui noni pima ipai binoni “Nyeni ningon kiowi nindig bibor tut ayaisi dima. Tirigi apmot niyaisi jo bimai bigyo lene apim kui jei sut noni ba, ayem njita bi. Noro tirigi noni mai su lene akiju ba, ayem njita!”

NIBOU NDIG NYA GI NIGOM 21:27

Tirigi Elia kes nihyet hon lene Ahab rik nide sinsun nibou ndig bijuk leu no leu api juk sinsun kron biluei bu nok bindo bipia noni ttin ser nide sisar. Noni kou sut gi yem njita ba, ttin sinsun kron nok ban tirigi bong nibongti lene niimaisi nghek kikau cem.

NEHEMIA 1:4

Tirigi dimiap ibuhupti dima ne dikuk da bidipim ba, diyai nggwei kibor. Dingon ngguk bibor bidisindui njita ei mmun-njap poi leu api dingat nadi bak Allah,

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

MAZMUR 109:24

Niyem njita bi mem nituti poi lene gima bindei ba, dibiau digit. Dikrin-krau ba, dinggang bai bidikinei-kinau cem.

MAZMUR 35:13

Noro mpe dino yo dima icut ei ninggwenti ne dingon ngguk tut yok lene diyem njita cem bi ba, duhuk bou bidingat nadi tindei yok,

MAZMUR 69:10

Dingon ngakei Ade Ig ba, gima nok hum di cig-cai ei dingonti. Nihyet nitigut Nati ndei dani cem dingonti.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

MALEAKHI 3:14

Ba, jipai bu ‘Gino ninok awak mem Allah ne gima bon ninyeng bi. Nna ug. Gino nibit nihyet ne nibipek mindei i? Gino nibon midut ningon di ngguk tut niyai munti nya ne nibipek mindei i?

MATIUS 6:1

“Jimiap e, harin dima jiyai Allah nicuk nyeti nya bou tungwatu nya igyai him a. Leu gino jiyai gima bou tungwatu nya igyai him ne Jicig ei gwamti mibindei ba, jimuhup tau bije bi.

MATIUS 6:2

Gima rino tirigi jingondut yo di yuhui mbum lene ma jiyai gima brei bou tungwatu nya igyai him au. Lewo yo di ingon can nya igyai kep igyaisi dima ei mben Yahudi ide ig mbusyamei kin simpak ba, igyok ingon mem gima tungwatu nya inggei sut yok. Ma jiyok ngon kep bipia yo dima imuhup tau biyok tu.

MATIUS 6:5

“Tirigi jingat nadi lene ma jiyai bram yo di ingon can nya igyai kepti nya au. Lewo yo dima igya ter ei mben Yahudi ide ig mbusyamei kin simpak nahau yamti cem bingat nadi brei bou tungwatu nya igyai him. Ma jiyok ngon kep bipia yo dima imuhup tau biyok tu.

MARKUS 2:18

Mpe dima lene yo di igya kui Yohanes kin yo di igya kui Farisi nya igyem njita bi mem nituti poi. Gima rino tungwatu nya ibou poi ikwei hig ser Yesus “Nggon rino yo di igya kui Yohanes kin yo di igya kui Farisi nya igyem njita bi mem nituti poi noro yo di igya kui Nani igyem njita kikau i?”

LUKAS 18:12

Diyem njita bi mbican mem nituti poi bikwop ari nitindur gom bidikwas mun di dima nya gom leu ningot gom tut Na.’

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

KISAH 10:30

Kornelius buhup “Njap ningai gi pini jug lene dingat nadi mem jam ningai di mpia caisi leu api tungwagom di juk sinsun di jinjit kei kwei ya kros ei doho bei.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KORINTUS GI NIGOM 7:5

Ma jicuon jenti leu yam tut gima jiyem njita tut yam au. Gino jice tut yam nipou ug e leu binhyepo juhuk nadi mem nituti poi lene nok. Gino juhuk nadi biput tu lene ma jikinyon ei niyem njita tut yamti hanyen. Tug hon nisinati dima lene jibindei bijimbres jenti leu Bilis nibingon jeti lewo joom kep jingut kanti nya kan bi.

KORINTUS GI NICAN 11:27

Diyai midyai sindem bidicom dahanggwap tut cem diyai kep midyai kikau mmun jei cem dinggum bibor cem dinggobiau cem hi kwas njita tut da bi cem. Dimai didigok lewo sinsun dem mem da bi cem hi cigit da kui ig bi cem.

KORINTUS GI NICAN 6:5

Tungwatu nya imbas nye bicom nye ei ig bui nsi. Ighyet ngwig kep nye bihwen nye cem. Nirom nye kep midyai ba, mpe hi nibong mai kan bi ba, mpe hi ninggum hwen nye cem hagom mbirimang tu.