MATIUS 6:13 - ALLAH NIHYET MEM TUNGWATU NYA

¹³ Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

MATIUS 6:13 ပူးပေါင်းရင်းမြစ်များ

NITRITI 22:1

Mpe hi bu lene Allah bingon Abraham ningon gomti bihig noni “Abraham e?” Lene Abraham miap bipai “We? Da rini!”

NIBOU NDIG NYA GI NIGOM 1:36

Lene Benaya buhup “Andigpoi e, igbit ri! Handei kon ba, ade tuhan Allah nihyet tot kep ahyet di asimbot dat dima!

NIBOHON MBEN ISRAEL GI NIGOM 16:36

Jikon tuhan Allah Israel ninyeng nogindini cem bijo ninno bijo kikau cem! Leu api mben Israel yahagom ipai “Igbit ri.” Leu api ikon tuhan ninyeng a.

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

NIBOHON MBEN ISRAEL GI NIGOM 4:10

Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

MAZMUR 10:16

tuhan ninyeng tak kep limwa nya bijo ninno bijo kikau. Ngkiai nya di ikan tut Noni bi nya misar bingwig leu Nide dihyei a.

MAZMUR 106:48

Jikwei ba, ikon Israel de tuhan Allah ninyeng nogindini bijo ninno bijo kikau cem. Jikwei ba, nye di tungwatu yahagom ipai “Igbit ri!” Ma jinggei sut tuhan!

MAZMUR 22:28

Ngkiai nya yahagom mibisrip tut tuhan leu api yahagom mingkwei ndam Noni hanyen bikuk yok bak.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

MAZMUR 47:2

Jahagom e, ma jiba jingon di llei bibor bittem jinda. Ma jiba nimbos-hi-mbos binggei sut Allah tug hon doia nya!

MAZMUR 47:7

Ma jiba doia binggei sut Allah. Ma jiba doia binggei sut jide Nibou Ndig!

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

MAZMUR 89:52

tuhan e, ade siceu nya ighyet tigut nibou ndig di ando ei su. Iba ighyet bicig noni bidem nimbutti nya hagom.

NEHEI LEUSI 15:18

Nani ne tuhan cem Nibou Ndig cem rin ba, anyeng mitak kep Ade limwa nya bijo ninno bijo kikau.”

NIPINGOK NINGONTI 30:8

Ma asindui sut ba, diris ei tungwatu nyati bidoom ser au. Lene ma asindui sut ba, dinyeng bibor ba, duhui mbum bibor cem au. Ayai mun di dindwau sut he bida lene ma abikum eisi au.

YEREMIA 15:21

Midikwek na leu yo di imbuk bibor nya di ihwen bit na ide nisindemti. Da di tuhan disimbot dat tu.”

YEREMIA 28:6

“Kei bibor! Handei kon ba, ahyet di atri tut dima mipek kep hak ug ba, tuhan ngkwei ndigban di ipos leu tuhan De Ig hagom hanyen kwei leu minu Babel bitut yo di isima ei ingkiaisi ei minu dima yahagom hak ug.

DANIEL 4:25

Tungwatu mijji nani ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya ba, abong bas hak. Nggou kui nati cem kikau mem ari bingwam muhwindacan. Mpe dima lene angon jo kep bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta yok bit leu Nonti ningon kanti.

DANIEL 7:18

Noro Allah Di Ninyeng Jei Bibor De limwa nya migyai nisindemti leu binhyepo inyeng tak kep tungwatu nya yahagom ba, ide ninyeng tak kepti dima jo ninno bijo kikau.”

MBEN ISRAEL IMBUT-MBUT NYEN 5:22

Minyei nisigionti dima mipijuk anghopti bibindei ba, anghop dwoi mai kei lene akei bisi njui-jua.” Lene suar sop dima buhup “Dani dice tut bidisindui sut tuhan yai nok gima.”

MATIUS 26:41

Ma jiyai ngkiem bijingat nadi ser nhyepo jingkwei hanyen tirigi jibiam mun di srou je bi. Lewo jingon llei sut jiyai kep mun di kei nya noro jindei bi lewo jinghuisi jet ser.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 5:37

Ma jice hak ‘I’ he lene ma jikou hak ‘Bi’ he. Lewo mun di jibikum bu hagom kwei leu Bilis.”

MATIUS 6:10

Nani ne nyende Nibou Ndig ri. Akwei bindei ba, anyeng tak kep dihyeisi dini hagom leu binhyepo tungwatu nya yahagom ibit ahyet noyam kin Ade nipai testi ei gwamti nya di ibit ahyet.

YOHANES 17:15

Dahara Na leu binhyepo ateu yok leu dihyeisi dini bi. Noro ma anyohou yok leu binhyepo ingwes ngun leu Nisibut Cig.

KORINTUS GI NIGOM 10:13

Mun nyeng hagom di bingon kep jingonti dima bingon kikep tungwatu nindigsi nya cem ingonti bikwop njap ngwa hagom. Noro bit bon Allah ngkwei hanyen leu Nide nipreu ei mem nyeti kan bi. Noni misindui sut Bilis bingon kikep jingonti dor njiriek leu jide nisindemti bi. Tirigi Bilis bingon je lene Allah mitin puig mem je leu binhyepo jingwes ngun tug hon nisindemti di Noni yai bije.

KORINTUS GI NIGOM 14:16

Leu gino jiba jinnei he bipai sigyo bak Allah lo, hiter di miap Allah Ninnei nihyet di mindur bi srig jikieti ne bit bon no dima pai “Igbit ri!” hanyen drek dip jide nadi kan bi. Lewo miap igbit jihyet bi.

KORINTUS GI NICAN 1:20

Lewo Allah pai “I” nongkom tug hon Yesus Kristus tut mun di Noni preu ei mem nye hagom tu. Gima rino nyeni ibuhup “Igbit ri” bak Noni drek dip Yesus Kristus. Iba ide nibuhupti dima binggei sut Allah.

GALATIA 1:4

Kristus kes Nonti ningut ei noyam kin mikwau di ibui bibam ei nimbar hum dokti mem ide sisar bit leu Icig Allah ningon kanti ba, teu nye leu nijam di sisar ttei nimig eisi ei dihyeisi dini.

NINDAT KEP TUHAN NICUKTI NYA 8:16

Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

TESALONIKA GI NICAN 3:3

Noro Tuhan ningon gom. Noni misindem tut je binyohou je leu No Di Ba Nitok Bak Allah.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

IBRANI 11:36

Yo di isibut nya iba ighyet bicig yok cem imbas yok cem iba lante biteu yok ug ei ig bui nsi cem.

PETRUS GI NIGOM 5:8

Ma jehek tut jenti ba, jiyai nggrop nggan lewo jide siceu di Bilis lus-lus nyen nok singa di niten-pos di yau binggok tungwatu tereu nok nide mun di yem.

PETRUS GI NICAN 2:9

Gima rino Allah kan tut nisinati mem gima teu yo di ingon sren nya ba, ingwes ngun leu mun di buhun tak yok. Ba, Noni kan tut nisinati mem gima om kep yo di isibut nya bibou Njap di Noni kes hukum ei yok dip midem ug e.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 19:1

Gima ngwig leu lene dimiap mun di nok tungwatu nya ningot ndig ighyet di kui yam ei gwamti bipai “Jikwei ba, inggei sut Allah! Noni teu tungwatu nya leu sisar biyai niyaijo nijep biyok ba, ninyeng jei bibor ba, Noni sindem bibor cem!

NINGAT-HI-NGAT NYA 19:4

Lene nibou nya ibou nyatungwagom ba, bitai kin mindhe ningut bitai ikuk yok bak Allah di gwam banggo mbrei dip binggei sut Noni bipai “Igbit ri! Jikwei ba, inggei sut Allah!”

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”

NINGAT-HI-NGAT NYA 3:10

Midinyohou je leu nijam di buhun bibor di mikieng kep dihyeisi dini hagom lewo jibit dicuk jeti nya bijiba jibou coi mem ninghuisi wei di cut igkep je. Nijam di buhun bibor dima mibingon tungwatu dihyeisi dini yahagom.

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.

NINGAT-HI-NGAT NYA 5:13

Leu api dimiap lo, Allah nipai testi nya ei gwamti kin dihyeisi kin minu nimai nya ide kin gi jo muk jou hagom bitut mun di niyaijo nya ei hantou-hantou yahagom ipai doia “Dem mem gima inggei sut No di gwam banggo mbrei dip kin Domba Pmot ba, ikon inyeng drek dip ide nikei-kau-keisi kin ide nisindemti buug hon nohonti bi!”